ರಾಜಕೀಯ ಪ್ರವೇಶದ ವದಂತಿ: ನಟ ರಿಷಬ್ ಶೆಟ್ಟಿ ಹೇಳಿದ್ದೇನು?

ಬೆಂಗಳೂರು ಎ.1 : ತಮ್ಮ ರಾಜಕೀಯ ಪ್ರವೇಶದ ಕುರಿತಾಗಿ ಹರಡುತ್ತಿರುವ ವದಂತಿ ಬಗ್ಗೆ ನಟ, ನಿರ್ದೇಶಕ ರಿಷಬ್ ಶೆಟ್ಟಿ ಅವರು ಸ್ಪಷ್ಟನೆ ನೀಡಿದ್ದಾರೆ.

ಈ ವಿಚಾರವಾಗಿ ಟ್ವೀಟ್ ಮೂಲಕ ಪ್ರತಿಕ್ರಿಯೆ ನೀಡಿರುವ ಅವರು ”ಸುಮ್ನನೆ ಇರಿ ಮರ್ರೆ… ಸುಳ್ಳು ಸುದ್ದಿ, ಎಪ್ರಿಲ್ 1 ಹೀಗೆ ಹೇಳಿ… ಮೊದಲೇ ಕೆಲವರು ನನ್ನ ಒಂದು ಪಕ್ಷಕ್ಕೆ ಸೇರಿಸಿದ್ದಾರೆ. ನಾನು ರಾಜಕೀಯಕ್ಕೆ ಎಂದೂ ಹೋಗುವುದಿಲ್ಲ” ಎಂದು ಸ್ಪಷ್ಟಪಡಿಸಿದ್ದಾರೆ.

ಅಲ್ಲದೆ ರಿಷಬ್ ಶೆಟ್ಟಿಯ ಈ ಟ್ವೀಟ್ ಗೆ ಪ್ರತಿಕ್ರಿಯಿಸಿರುವ ಮತ್ತೊಬ್ಬ ವ್ಯಕ್ತಿ, ”ರಾಜಕೀಯಕ್ಕೆ ಬನ್ನಿ ಶೆಟ್ರೇ… ನಮ್ಮ ಸಂಪೂರ್ಣ ಬೆಂಬಲ ಇದೆ” ಎಂದು ಹೇಳಿದ್ದಾರೆ. ಇದಕ್ಕೂ ಪ್ರತಿಕ್ರಿಯೆ ನೀಡಿರುವ ರಿಷಬ್, ”ಬೇಡ ದೇವ್ರು, ನನ್ನ ಸಿನೆಮಾಗೆ ನಿಮ್ಮ ಬೆಂಬಲ ಇದ್ದರೆ ಸಾಕು” ಎಂದು ಉತ್ತರಿಸಿದ್ದಾರೆ. ಇದರೊಂದಿಗೆ ”ಅಣ್ಣ ನೀವು ಉತ್ತಮ ಸಿನೆಮಾಗಳನ್ನ ಮಾಡಿಕೊಂಡು ಎಲ್ಲರ ಒಟ್ಟಿಗೆ ಚೆನ್ನಾಗಿ ಇರಿ ಸಾಕು” ಎಂದು ಮತ್ತೊಬ್ಬರು ಸಲಹೆ ನೀಡಿದ್ದಾರೆ.