ಸೆಲ್ಯೂಟ್‌ ದಿ ಸೈಲೆಂಟ್‌ ವರ್ಕರ್‌ -ಐವರಿಗೆ ಸನ್ಮಾನ
ಉಡುಪಿ ಫೆ.28(ಉಡುಪಿ ಟೈಮ್ಸ್ ವರದಿ): ಮೆಸ್ಕಾಂ ಬ್ರಹ್ಮಾವರದಲ್ಲಿ ಜೆಸಿಐ ಬ್ರಹ್ಮಾವರ ಸೇವಾಮೆ ಆಯೋಜಿಸಿದ ಸೆಲ್ಯೂಟ್‌ ದಿ ಸೈಲೆಂಟ್‌ ವರ್ಕರ್‌ ಎಂಬ ಕಾರ್ಯಕ್ರಮದ ಅಡಿಯಲ್ಲಿ ಮೆಸ್ಕಾಂ ನಲ್ಲಿ ಉತ್ತಮ ಸೇವೆಸಲ್ಲಿಸಿದ 5 ಜನ ಪವರ್‌ ಮ್ಯಾನ್‌ ರನ್ನು ಸನ್ಮಾನಿಸಲಾಯಿತು.
ಮುಖ್ಯ ಅತಿಥಿಯಾಗಿ ಭಾಗವಹಿಸಿದ ವಾರಂಬಳ್ಳಿ ಗ್ರಾಮ ಪಂಚಾಯತ್ ಅಧ್ಯಕ್ಷೆ ನಾಗವೇಣಿ ಪಂಡರಿನಾಥ್‌ ಅವರು ಮಾತನಾಡಿ ಸಂಸ್ಥೆಯಿಂದ ನಡೆದ ಕಾರ್ಯಕ್ರಮದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.
ಸಹಾಯಕ ಕಾರ್ಯ ನಿರ್ವಾಹಕ ಇಂಜಿನಿಯರ್‌ ಅಶೋಕ್‌ ಪೂಜಾರಿಯವರು ಮಾತನಾಡಿ ಮೆಸ್ಕಾಂ ನಲ್ಲಿ ಬಂದು ನಮ್ಮ ಸಂಸ್ಥೆಯ ನೌಕರನ್ನು ಗುರುತಿಸಿ ಸನ್ಮಾನಿಸುವ ಕಾರ್ಯ ನಿಜಕ್ಕೂ ಸಂತೋಷವಾಯಿತು ಮತ್ತು ಇನ್ನು ಮುಂದೆ ನಮ್ಮ ಜವಾಬ್ದಾರಿಯೂ ಕೂಡ ಜಾಸ್ತಿ ಯಾಗಿದೆ ಎನ್ನುತ್ತಾ ಬ್ರಹ್ಮಾವರ ಜನತೆಗೆ ಉತ್ತಮ ಸೇವೆ ಯನ್ನು ಮೇಸ್ಕಾಂ ನೀಡುತ್ತದೆ ಎಂದು ಭರವಸೆ ನೀಡಿದರು.
ಜೆಸಿಐ ಬ್ರಹ್ಮಾವರದ ಅಧ್ಯಕ್ಷ ಕೃಷ್ಣಮೂರ್ತಿ ಹೈಕಾಡಿ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದರು. ಕಾರ್ಯಕ್ರಮದಲ್ಲಿ ಬ್ರಹ್ಮಾವರ ಮೆಸ್ಕಾಂನಲ್ಲಿ ಸೇವೆ ಸಲ್ಲಿಸುತ್ತಿರುವ ಗಣೇಶ್‌ ದೇವಾಡಿಗ, ರಮೇಶ್‌ ನಾಯ್ಕ್‌, ರಾಘವೇಂದ್ರ, ಭಾಸ್ಕರ ಪೂಜಾರಿ, ಸೂರ್ಯ ನಾಯ್ಕ ಇವರನ್ನು ಸನ್ಮಾನಿಸಿ ಗೌರವಿಸಲಾಯಿತು.
ಈ ಸಂದರ್ಭದಲ್ಲಿ ಸಹಾಯಕ ಇಂಜಿನಿಯರ್‌ ಉದಯ್‌ ಖಾರ್ವಿ ಮತ್ತು ಸುದರ್ಶನ್‌ ಮತ್ತು ಹಂದಾಡಿ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷ ಉದಯ್‌ ಪೂಜಾರಿ, ವಾರಂಬಳ್ಳಿ ಗ್ರಾಮ ಪಂಚಾಯತ್ ಉಪಾಧ್ಯಕ್ಷ ದೇವಾನಂದ್‌ ನಾಯಕ್‌, ಸದಸ್ಯರಾದ ಕ್ರಿಸ್ಪಿನ್ ಡಿಸಿಲ್ವಾ, ಉಮಾಬಾಯಿ, ಹಾಗೂ ಜೆಸಿಐ ಬ್ರಹ್ಮಾವರ ಸೇವಾಮೆ ಪೂವಾಧ್ಯಕ್ಷ ಆಶಾ ಡಿಸೋಜಾ, ಜೊಯೆಲ್ ಡಿ ಅಲ್ಮೇಡಾ, ಖಜಾಂಜಿ ಜ್ಯೋತಿ ಮತ್ತು ರೋಷನ್‌ ಅಲ್ಮೇಡಾ ಹಾಗೂ ಮೆಸ್ಕಾಂ ನ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು.
