ಉಡುಪಿ: ಸಾಫಲ್ಯ ಟ್ರಸ್ಟ್ ನ ಸಾಂಸ್ಕೃತಿಕ ಕಾರ್ಯಕ್ರಮ

ಉಡುಪಿ ಫೆ.28(ಉಡುಪಿ ಟೈಮ್ಸ್ ವರದಿ): ಸಾಫಲ್ಯ ಟ್ರಸ್ಟ್ ಉಡುಪಿ ಇದರ ವತಿಯಿಂದ ಸಾಂಸ್ಕೃತಿಕ ಕಾರ್ಯಕ್ರಮವು ಇತ್ತೀಚೆಗೆ ಉಡುಪಿಯ ಅಂಬಾಗಿಲುವಿನ ಅಮೃತ್ ಗಾರ್ಡನ್ ನಲ್ಲಿ ನಡೆಯಿತು.

ಕಾರ್ಯಕ್ರಮವನ್ನು ಮಣಿಪಾಲದ ಮಾಧವಕೃಪಾ ಶಾಲೆಯ ನಿವೃತ್ತ ಮುಖ್ಯೋಪಾಧ್ಯಾಯರಾದ ಉಮಾ ಕೆ.ರಾವ್ ಹಾಗೂ ಕಾಪುವಿನ ಬಿಐಸಿಸಿಒ ಇದರ ಮಾಲಕಿ ಜ್ಯೋತಿ ಶ್ರೀಧರ್ ಶೆಣವ ಅವರು ಉದ್ಘಾಟಿಸಿದರು. 

ಈ ಸಂದರ್ಭದಲ್ಲಿ ಸಾಫಲ್ಯ ಮಹಿಳಾ ಯಕ್ಷಗಾನ ಬಳಗ ಉಡುಪಿ ಇವರಿಂದ ” ವಿಷಯೆ ಪರಿಣಯ” ಯಕ್ಷಗಾನ ಪ್ರದರ್ಶನ ಹಾಗೂ  ಸದಸ್ಯರಿಂದ ನೃತ್ಯ ಸಹಿತ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು. ಸಾಫಲ್ಯ ಟ್ರಸ್ಟ್ ನ ಅಧ್ಯಕ್ಷೆ ನಿರುಪಮಾ ಪ್ರಸಾದ್ ಶೆಟ್ಟಿ, ಕಾರ್ಯದರ್ಶಿ ಇಂದು ರಮಾನಂದ ಭಟ್, ಖಜಾಂಚಿ ಮಮತಾ ದಿವಾಕರ್ ಶೆಟ್ಟಿ, ಪಿ.ಆರ್.ಒ ಅನುರಿತಾ, ಸಾಫಲ್ಯ ನಿರ್ದೇಶಕಿ ರಂಜನಾ ಶ್ರೀಧರ್ ಶೆಟ್ಟಿ, ಟ್ರಸ್ಟ್ ನ ಹಿರಿಯ ಸದಸ್ಯೆ ಹಂಸವತಿ, ಡಾ. ಅಮಿನಾ ಮೀರ್, ತಾರಾ ದೇವಿ, ಚಂದ್ರಿಕಾ ರವೀಶ್ ಅವರು ಉಪಸ್ಥಿತರಿದ್ದರು.