ಜನರನ್ನು ಪುಳಕಿತಗೊಳಿಸಿದ ಪ್ರಧಾನಿ ಮೋದಿ ರೋಡ್ ಶೋ

ಬೆಳಗಾವಿ ಫೆ.27 : ಪ್ರಧಾನಿ ನರೇಂದ್ರ ಮೋದಿ ಅವರು ಇಂದು ಶಿವಮೊಗ್ಗ ನಗರದಲ್ಲಿ ರೋಡ್ ಶೋ ನಡೆಸಿದರು.

ಪ್ರಧಾನಿ ಅವರು 10.5 ಕಿ.ಮೀ ಉದ್ದದ ರೋಡ್ ಶೋ ನಡೆಸಿದ್ದು, ಕಾರಿನ ಬಾಗಿಲು ತೆರೆದು ನಿಂತ ಪ್ರಧಾನಿ ನರೇಂದ್ರ ಮೋದಿ ಅವರು ಜನರತ್ತ ಕೈ ಬೀಸುತ್ತಲೇ ಸಾಗಿದರು. ರಸ್ತೆಯ ಇಕ್ಕೆಲಗಳಲ್ಲಿ ಕಿಕ್ಕಿರಿದು ಜನ ಸೇರಿಸಿದ್ದರು. ಅಲ್ಲದೆ ಯುವಕ, ಯುವತಿಯರು ರಸ್ತೆಯುದ್ದಕ್ಕೂ ಮೋದಿ ಅವರ ಕಾರಿನ ಮೇಲೆ ಪುಷ್ಪವೃಷ್ಟಿ ಸುರಿಸಿದರು.

ಇತ್ತ ಮಾಲಿನಿ ಸಿಟಿಯಲ್ಲಿ ಹಾಕಿದ ವಿಶಾಲವಾದ ವೇದಿಕೆಯಲ್ಲಿ ಎಲ್.ಇ.ಡಿ ಪರದೆ ಮೇಲೆ ಮೋದಿ ಅವರ ರೋಡ್ ಶೋ ನೇರಪ್ರಸಾರ ಮಾಡಲಾಯಿತು. ಈ ವೇಳೆ ಬೃಹತ್ ಪರದೆ ಮೇಲೆ ಮೋದಿ ಕಾಣಿಸಿಕೊಳ್ಳುತ್ತಿದ್ದಂತೆಯೇ ಜನಸ್ತೋಮದಿಂದ ಹೋಯ್… ಎಂಬ ಉದ್ಘಾರ ಕೇಳಿಬಂತು. ಯುವಜನರು ಕುರ್ಚಿಗಳ ಮೇಲೆ ಎದ್ದುನಿಂತು ಹರ್ಷ ವ್ಯಕ್ತಪಡಿಸಿದರು. ಸಿಳ್ಳೆ, ಚಪ್ಪಾಳೆಗಳು ಮುಗಿಲು ಮುಟ್ಟಿದವು. ಮೋದಿ ಮೋದಿ ಎಂಬ ಕೂಗು ನಿರಂತರ ಕೇಳಿಬಂತು.

ಇನ್ನು ಮೋದಿ ಅವರ ರೋಡ್ ಶೋ ದೃಶ್ಯವನ್ನು ಬಹುಪಾಲು ಜನ ವಿಡಿಯೊ ಚಿತ್ರೀಕರಿಸಿಕೊಂಡು ಸಂಭ್ರಮಿಸಿದರು.