ಹೊಸಬೆಳಕು ಆಶ್ರಮದಲ್ಲಿ “ತಾಲೂಕು ಯುವಮಂಡಲಿಗಳ ಗ್ರಾಮೀಣ ಕ್ರೀಡಾಕೂಟ”

ಉಡುಪಿ ಡಿ.26 (ಉಡುಪಿ ಟೈಮ್ಸ್ ವರದಿ): ಸಮೃದ್ಧಿ ಮಹಿಳಾ ಮಂಡಳಿ ಪೇತ್ರಿ, ಚೇರ್ಕಾಡಿ ಹಾಗೂ ಹೊಸಬೆಳಕು ಸೇವಾ ಟ್ರಸ್ಟ್ ರಂಗನಪಲ್ಕೆ ಕಾರ್ಕಳ ಇದರ ಜಂಟಿ ಆಶ್ರಯದಲ್ಲಿ ತಾಲೂಕು ಯುವಮಂಡಲಿಗಳ ಗ್ರಾಮೀಣ ಕ್ರೀಡಾಕೂಟ ಆಯೋಜಿಸಲಾಯಿತು.

ಈ ಕ್ರೀಡಾ ಕೂಟವನ್ನು ಸಾಹಿತಿಗಳಾಗಿರುವ ಆರೂರು ಮಂಜುನಾಥ ರಾವ್ ಉದ್ಘಾಟಿಸಿದರು. ಬಳಿಕ ಮಾತನಾಡಿದ ಅವರು, ಗ್ರಾಮೀಣ ಜನತೆಯೊಂದಿಗೆ ಆಶ್ರಮವಾಸಿಗಳಿಗೂ ಆಯೋಜಿಸಿರುವ ಕ್ರೀಡಾಕೂಟ ಉತ್ತಮ ಪರಿಕಲ್ಪನೆ ಎಂದರು.

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ಧ ಕಾರ್ಕಳದ ಭೂ ನ್ಯಾಯ ಮಂಡಳಿಯ ಸದಸ್ಯ ವಿಕ್ರಮ ಹೆಗ್ಡೆ ಅವರು ಮಾತನಾಡಿ, ಸಮಾಜದ ಬಾಂಧವರು ಈ ರೀತಿ ಆಶ್ರಮವಾಸಿಗಳನ್ನು ಮುಖ್ಯ ವಾಹಿನಿಯಲ್ಲಿ ಬೆರೆಯುವಂತೆ ಮಾಡಿದರೆ ಅವರಿಗೂ ಮರಳಿ ಜೀವನ ಲಭಿಸುವುದು ಎಂದರು.

ಅಂಗವಿಕಲ ಹಾಗೂ ಹಿರಿಯ ನಾಗರಿಕ ಇಲಾಖೆಯ ರತ್ನಾ ಅವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು. ತೀರ್ಪುಗಾರರಾಗಿ ಬೈಲೂರಿನ ಜಿ.ಹೆಚ್.ಪಿ ಶಾಲೆಯ ದೈಹಿಕ ಶಿಕ್ಷಕಿಯರಾದ ಸಂಧ್ಯಾ ಹಾಗೂ ಜಯಲಕ್ಷ್ಮಿ ಸಹಕರಿಸಿದರು.

ಈ ಸಂದರ್ಭದಲ್ಲಿ ಸಮೃದ್ಧಿ ಮಹಿಳಾ ಮಂಡಳಿಯ ಅಧ್ಯಕ್ಷೆ ಪ್ರಸನ್ನಾ ಪ್ರಸಾದ್ ಭಟ್, ಸಾಮಾಜಿಕ ಕಾರ್ಯಕರ್ತರಾದ ಜಗದೀಶ್ ತೆಂಡೂಲ್ಕರ್, ಬೈಲೂರು ಶಾಲೆಯ ಸಂಪನ್ಮೂಲ ವ್ಯಕ್ತಿಯಾಗಿರುವ ಉಮೇಶ್ ನಾಯಕ್, ಹೊಸ ಬೆಳಕು ಆಶ್ರಮದ ಸಂಸ್ಥಾಪಕರಾದ ವಿನಯಚಂದ್ರ, ತನುಲಾ ತರುಣ್, ಸಮಾಜ ಸೇವಕಿ ಗೌತಮಿ, ಗೌರೀಶ್ ಕಾರ್ಯಕ್ರಮದ ನಿರೂಪಣೆಯನ್ನು ವನಿತಾ ಪಿ. ಶೆಟ್ಟಿ ಹಾಗೂ ಸಹನಾ ಕೆ. ಹೆಬ್ಬಾರ್, ಮಲ್ಲಿಕಾ ಹರೀಶ್ ಶೆಟ್ಟಿ, ವಿನಯಚಂದ್ರ, ರಂಗನಪಲ್ಕೆ ಗ್ರಾಮೀಣ ಜನರು ಹಾಗೂ ಹೊಸಬೆಳಕು ಆಶ್ರಮದ ನಿವಾಸಿಗಳು ಕ್ರೀಡೆಯಲ್ಲಿ ಭಾಗವಹಿಸಿದರು.