ಹೆಬ್ರಿ: ಆವರಣವಿಲ್ಲದ ಬಾವಿಗೆ ಬಿದ್ದು ವ್ಯಕ್ತಿ ಮೃತ್ಯು

ಹೆಬ್ರಿ ಡಿ.21(ಉಡುಪಿ ಟೈಮ್ಸ್ ವರದಿ): ಆಕಸ್ಮಿಕವಾಗಿ ಆವರಣವಿಲ್ಲದ ಬಾವಿಗೆ ಕಾಲುಜಾರಿ ಬಿದ್ದು ವ್ಯಕ್ತಿಯೊಬ್ಬರು ಮೃತಪಟ್ಟ ಘಟನೆ ಬೇಳಂಜೆ ಗ್ರಾಮದಲ್ಲಿ ನಡೆದಿದೆ

ಮಡಾಮಕ್ಕಿ ಗ್ರಾಮದ ಹಂಜ ಎಂಬಲ್ಲಿನ ನಿವಾಸಿ ಕೃಷ್ಣ ಪೂಜಾರಿ(65) ಮೃತಪಟ್ಟವರು.

ಕೂಲಿ ಕೆಲಸ ಮಾಡಿಕೊಂಡಿದ್ದ ಇವರು ನಿನ್ನೆ ಬೇಳಂಜೆ ಗ್ರಾಮದ ಬಡಾಬೆಟ್ಟು ಎಂಬಲ್ಲಿರುವ ಅವರ ತಂಗಿ ಅಮ್ಮಣ್ಣಿ ಪೂಜಾರ್ತಿಯವರ ಮನೆಗೆ ಮಾರಿಪೂಜೆಗೆಂದು ಹೋಗಿದ್ದರು. ಬಳಿಕ ರಾತ್ರಿ ಮನೆಯಿಂದ ಬೇಳಂಜೆ ಪೇಟೆಗೆ ಕಾಲುದಾರಿಯಲ್ಲಿ ಅನಿಶಾ ವಿಜೇಂದ್ರ ಶೆಟ್ಟಿಯವರ ಜಾಗದಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವೇಳೆ ಅವರು ಆಕಸ್ಮಿಕವಾಗಿ ಆವರಣವಿಲ್ಲದ ಬಾವಿಯಲ್ಲಿ ಕಾಲುಜಾರಿ ಬಿದ್ದು ಮೃತಪಟ್ಟಿದ್ದಾರೆ ಎಂಬುದಾಗಿ ಮೃತರ ಮಗ ರಮೇಶ ಪೂಜಾರಿ ಅವರು ನೀಡಿದ ಮಾಹಿತಿಯಂತೆ ಹೆಬ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.