ಬೈಂದೂರು: ಜಾಗದ ತಕರಾರು -ವ್ಯಕ್ತಿಗೆ ಹಲ್ಲೆ, ಬೆದರಿಕೆ- ದೂರು ದಾಖಲು
ಬೈಂದೂರು ಡಿ.19(ಉಡುಪಿ ಟೈಮ್ಸ್ ವರದಿ): ಜಾಗದ ವಿಚಾರಕ್ಕೆ ಸಂಬಂಧಿಸಿದಂತೆ ವ್ಯಕ್ತಿಯೊಬ್ಬರಿಗೆ ಹಲ್ಲೆ ಮಾಡಿ ಬೆದರಿಕೆ ಹಾಕಿರುವ ಬಗ್ಗೆ ಬೈಂದೂರು ಠಾಣೆಯಲ್ಲಿ ದೂರು ದಾಖಲಾಗಿದೆ.
ಈ ಬಗ್ಗೆ ಬೈಂದೂರಿನ ತಗ್ಗರ್ಸೆ ಗ್ರಾಮದ ಓಮನ್ ಎಂಬವರು ಪೊಲೀಸರಿಗೆ ದೂರು ನೀಡಿದ್ದು, ಡಿ.16 ರಂದು ಇವರ ಜಾಗಕ್ಕೆ ಹಾಕಿರುವ ಬೇಲಿಯನ್ನು ಆರೋಪಿತರಾದ ಜೋಸೆಫ್ ಮೋಹಸ್ಸಿ ಮತ್ತು ರೋಬಿಸ್ ರವರು ಕಿತ್ತು ಹಾಕಿದ್ದರು. ಸಂಜೆ ವೇಳೆ ಓಮನ್ ಅವರು ಬೇಲಿಯನ್ನು ಸರಿಮಾಡುತ್ತಾ ಇರುವಾಗ ಆರೋಪಿರಾದ ಜೋಸೆಫ್ ಮೋಹಸ್ಸಿ ಹಾಗೂ ರೋಬಿಸ್ ರವರು ಅಲ್ಲಿಗೆ ಬಂದು ದೊಣ್ಣೆ ಹಾಗೂ ಕಲ್ಲಿನಿಂದ ಹೊಡೆದು ಹಲ್ಲೆ ಮಾಡಿದ್ದು ಮಾತ್ರವಲ್ಲದೆ ಇನ್ನು ಮುಂದಕ್ಕೆ ಜಾಗದಲ್ಲಿರುವ ಬೇಲಿಯನ್ನು ಮುಟ್ಟಲು ಬಂದರೆ ಸುಮ್ಮನೆ ಬಿಡುವುದಿಲ್ಲ ಎಂದು ಬೆದರಿಕೆ ಹಾಕಿ ಅವಾಚ್ಯ ಶಬ್ಧಗಳಿಂದ ಬೈದಿರುವುದಾಗ ಪೊಲೀಸರಿಗೆ ನೀಡಿದ ದೂರಿನಲ್ಲಿ ಆರೋಪಿಸಲಾಗಿದೆ.
ಹಾಗೂ ಹಲ್ಲೆಯಿಂದ ಆದ ನೋವಿಗೆ ಅವರು ಬೈಂದೂರು ಹಾಗೂ ಕುಂದಾಪುರ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿರುವುದಾಗಿ ನೀಡಿದ ದೂರಿನಂತೆ ಬೈಂದೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
