ಉಡುಪಿ: ನರೇಂದ್ರ ಮೋದಿಯವರ ದೀರ್ಘಾ ಯುಷ್ಯಕ್ಕಾಗಿ ಪ್ರಾರ್ಥಿಸೋಣ : ಮಹೇಶ್ ಠಾಕೂರ್

ಉಡುಪಿ(ಉಡುಪಿ ಟೈಮ್ಸ್ ವರದಿ): ಪ್ರಧಾನಿ ನರೇಂದ್ರ ಮೋದಿಯವರ ಜನ್ಮದಿನದ ಅಂಗವಾಗಿ ಸೆ.17 ರ ಗುರುವಾರದಂದು ಉಡುಪಿ ಪ್ರಧಾನಮಂತ್ರಿ ಜನಕಲ್ಯಾಣಕಾರಿ ಯೋಜನಾ ಪ್ರಚಾರ ಪ್ರಸಾರ ಅಭಿಯಾನ (PMJKYPPA) ಜಿಲ್ಲಾ ಸಮಿತಿಯ ವತಿಯಿಂದ ಉಡುಪಿಯ ಶ್ರೀ ಕೃಷ್ಣ ಬಾಲನಿಕೇತನದಲ್ಲಿನ 60 ಮಕ್ಕಳಿಗೆ ಫಲವಸ್ತು ವಿತರಣೆಯನ್ನು ಮಾಡುವ ಮೂಲಕ ಆಚರಿಸಲಾಯಿತು.

ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಬಿಜೆಪಿಯ ಉಡುಪಿ ನಗರ ಅಧ್ಯಕ್ಷರಾದ ಮಹೇಶ್ ಠಾಕೂರ್ ಉಪಸ್ಥಿತರಿದ್ದರು. ಇವರು ನರೇಂದ್ರಮೋದಿಯವರ ದೀರ್ಘಾಯುಷ್ಯಕ್ಕಾಗಿ ನಾವೆಲ್ಲರೂ ಪ್ರಾರ್ಥಿಸೋಣ ಅವರು ನಮರೆಲ್ಲರಿಗೂ ಪ್ರೇರಣೆಯಾಗಿದ್ದಾರೆ.

ಇಂದು ಮೋದೀಜಿಯವರು ಕೇವಲ ಭಾರತದ ನಾಯಕರಾಗಿಲ್ಲ ವಿಶ್ವ ನಾಯಕರಾಗಿ ಗುರುತಿಸಿಕೊಂಡಿದ್ದಾರೆ ಅವರ ಜನ್ಮದಿನವನ್ನು ಮಕ್ಕಳೊಂದಿಗೆ ಆಚರಿಸುವುದು ನಮ್ಮ ಸೌಭಾಗ್ಯ ವೆಂದು ಶುಭಾಶಯ ಕೋರಿದರು. ಸಮಿತಿಯ ಉಡುಪಿ ಜಿಲ್ಲಾ ಅಧ್ಯಕ್ಷರಾದ ಮನ್ಸುಖ್ ಜಿ ಪಟೇಲ್, ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಜಿಲ್ಲಾ ಸಂಘಟನ ಕಾರ್ಯದರ್ಶಿ ನಟೇಶ್ ವೈ ಆರ್, ಅಥಿತಿಗಳನ್ನು ಸ್ವಾಗತಿಸಿ ಕಾರ್ಯಕ್ರಮ ನಿರ್ವಹಣೆ ಮಾಡಿದರು.

ಬಾಲನಿಕೇತನದ ಮಕ್ಕಳು ಸಂಸ್ಕೃತ ಸಮೂಹಗಾನದ ಮುಖಾಂತರ ಮೋದಿಜಿಯವರಿಗೆ ಶುಭಾಷಯ ಕೋರಿದರು. ಬಾಲನಿಕೇತನದ ಕಾರ್ಯದರ್ಶಿ ರಾಮಚಂದ್ರ ಉಪಾಧ್ಯಾಯ ಅವರು ಸಹಕರಿಸಿದರು. ಸಮಿತಿಯ ಮಹಿಳಾವಿಭಾಗ ಅಧ್ಯಕ್ಷೆ ಅಕ್ಷತಾ ಗಿರೀಶ್, ಮಹಿಳಾ ವಿಭಾಗ ಸಂಘಟನಾ ಕಾರ್ಯದರ್ಶಿ ಲಕ್ಷ್ಮೀ ಪಿ ಎಸ್. ಯುವ ವಿಭಾಗದ ಅಧ್ಯಕ್ಷ ರಘುನಾಥ ಆಚಾರ್ಯ, ಕಾನೂನು ವಿಭಾಗ ಮುಖ್ಯಸ್ಥ ದಿನೇಶ್ ನಾಯಕ್, ಐಟಿ ವಿಭಾಗ ಮುಖ್ಯಸ್ಥ ಚೇತನ್ ಹೆಗ್ಡೆ ಉಡುಪಿ ನಗರಸಭಾಸದಸ್ಯರಾದ ಗಿರೀಶ್ ಆಚಾರ್ಯ, ಹಾಗೂ ಮಂಜುನಾಥ್ ಮಣಿಪಾಲ್ ಇವರುಗಳು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.