ಅಜೆಕಾರು: ದನ ಕಳ್ಳತನ – ದೂರು ದಾಖಲು
ಅಜೆಕಾರು ಅ.31(ಉಡುಪಿ ಟೈಮ್ಸ್ ವರದಿ) : ಕಾರಿನಲ್ಲಿ ಬಂದ ಕಳ್ಳರು ಮನೆಯ ಬಳಿ ಮಲಗಿದ್ದ ಎರಡು ದನಗಳನ್ನು ಕದ್ದು ಪರಾರಿಯಾಗಿರುವ ಘಟನೆ ಅಜೆಕಾರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.
ಇಲ್ಲಿನ ಜಯಶ್ರೀ ಎಂಬವರ ಮನೆಯ ದನಗಳು ಕಳ್ಳತನವಾಗಿದೆ. ಇಂದು ಬೆಳಿಗ್ಗೆ 1.35 ರ ಸುಮಾರಿಗೆ ಮನೆಯ ಹತ್ತಿರ ರಸ್ತೆಯಲ್ಲಿ ವಾಹನ ಬಂದು ನಿಂತ ಶಬ್ದ ಕೇಳಿ ಮನೆಯಲ್ಲಿ ಮಲಗಿದ್ದ ಜಯಶ್ರೀ ಅವರು ಎಚ್ಚರವಾಗಿ ಮನೆಯ ಕಿಟಕಿಯಿಂದ ನೋಡುವಾಗ ಹೈಸ್ಕೂಲ್ ದ್ವಾರದ ಬಳಿ ರಸ್ತೆಯಲ್ಲಿ ಕಾರಿನಲ್ಲಿ ಬಂದ ಇಬ್ಬರು ಜಾನುವಾರು ಕಳ್ಳರು ರಸ್ತೆ ಬಳಿ ಮಲಗಿದ್ದ ಜಯಶ್ರೀ ಅವರ ಮನೆಯ ಎರಡು ದನಗಳನ್ನು ಕಳವು ಮಾಡಿ ಕಾರಿನಲ್ಲಿ ತುಂಬಿಕೊಂಡು ಕೆರ್ವಾಶೆ ಕಡೆಗೆ ಪರಾರಿಯಾಗಿದ್ದಾರೆ. ಕಳವಾದ ಎರಡು ದನಗಳ ಬೆಲೆ ಸುಮಾರು 4,000 ರೂ. ಆಗಬಹುದು ಎಂಬುದಾಗಿ ಜಯಶ್ರೀ ಅವರು ನೀಡಿದ ದೂರಿನಂತೆ ಅಜೆಕಾರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
