ಶಂಕರನಾರಾಯಣ : ಕೆರೆಗೆ ಹಾರಿ ಆತ್ಮಹತ್ಯೆ

ಶಂಕರನಾರಾಯಣ ಅ.31 (ಉಡುಪಿ ಟೈಮ್ಸ್ ವರದಿ) : ಮನೆಯ ತೋಟದ ಕೆರೆಗೆ ಹಾರಿ ವ್ಯಕ್ತಿಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡ ಶಂಕರನಾರಾಯಣ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ಬೈಂದೂರಿನ ಹಳ್ಳಿಹೊಳೆಯ ಶ್ರೀಧರ ಚಾತ್ರ (36) ಆತ್ಮಹತ್ಯೆ ಮಾಡಿಕೊಂಡವರು.

ಇವರು 2009 ರಿಂದ ಮಾನಸಿಕ ಖಾಯಿಲೆಯಿಂದ ಬಳಲುತ್ತಿದ್ದು, ಹಲವು ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಕೊಡಿಸಿದ್ದರೂ ಸರಿಯಾಗಿ ಗುಣಮುಖವಾಗಿರಲಿಲ್ಲ. ಇವರು ಈ ಹಿಂದೆ ಕೂಡಾ ಎರಡು ಮೂರು ಬಾರಿ ಸಾಯುತ್ತೆನೆಂದು ತೋಟದ ಕೆರೆಗೆ ಹಾರಲು ಯತ್ನಿಸಿದ್ದರು. ಅದೇ ರೀತಿ ಅ.30 ರಂದು ಶ್ರೀಧರ ಚಾತ್ರರವರು ಮಧ್ಯಾಹ್ನದ ವೇಳೆ ಸಾಯುತ್ತೆನೆಂದು ಹೊರಗೆ ಓಡಿ ತೋಟದಲ್ಲಿರುವ ಕೆರೆಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ಬಗ್ಗೆ ಮೃತರ ಅಣ್ಣ ದತ್ತಮೂರ್ತಿ ಚಾತ್ರ ಅವರು ನೀಡಿದ ಮಾಹಿತಿಯಂತೆ ಶಂಕರನಾರಾಯಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.