ಬೈಂದೂರಿನಲ್ಲಿ ವ್ಯಕ್ತಿ ನಾಪತ್ತೆ

ಬೈಂದೂರು: ಕೆಲಸಕ್ಕೆಂದು ಮನೆಯಿಂದ ಹೊದ ವ್ಯಕ್ತಿ ನಾಪತ್ತೆಯಾಗಿರುವ ಘಟನೆ ಬೈಂದೂರಿನ ಗೋಳಿ ಹೊಳೆಯಲ್ಲಿ ನಡೆದಿದೆ. ಸುಧಾಕರ (48) ನಾಪತ್ತೆಯಾಗಿರುವ ವ್ಯಕ್ತಿ. ಇವರು, ಡಿ. 4 ರಂದು ಯಲ್ಲಾಪುರಕ್ಕೆ, ಆನಂದ ಮೇಸ್ತ್ರಿ ಅವರ ಬಳಿ ಕೆಲಸಕ್ಕೆ ಹೋಗುವುದಾಗಿ ತಿಳಿಸಿದ್ದು, ಸುರೇಶ್ ಅವರು ತಮ್ಮ ಮಾವ ಸುಧಾಕರ ಅವರನ್ನು ಬಳಿಗ್ಗೆ 8 ಗಂಟೆಗೆ ಮನೆಯಿಂದ ಕರೆದುಕೊಂಡು ಹೋಗಿ, ಗೋಳಿ ಹೊಳೆಯಲ್ಲಿ ಬಸ್‌ನ್ನು ಹತ್ತಿಸಿ ಮರಳಿದ್ದರು.

ಸುಧಾಕರ ಅವರು, ಯಲ್ಲಾಪುರ ತಲುಪಿದ ತಕ್ಷಣ ಕರೆ ಮಾಡಿ ತಿಳಿಸುವುದಾಗಿ ತೆರಳಿದ್ದರು. ಆದರೆ ಮರುದಿನ ಸಂಜೆಯಾದರೂ ಸುಧಾಕರ್ ಅವರು ಕರೆ ಮಾಡದೇ ಇದ್ದುದರಿಂದ ಸುರೇಶ್ ಅವರು ಆನಂದ ಮೇಸ್ತ್ರಿ ಅವರ ಬಳಿ ಕರೆ ಮಾಡಿ ವಿಚಾರಿಸಿದಾಗ ಸುಧಾಕರ ಅವರು ಯಲ್ಲಾಪುರಕ್ಕೆ ತಲುಪಿಲ್ಲ ಎಂಬ ವಿಚಾರ ತಿಳಿದು ಬಂದಿದೆ. ಇವರ ಬಗ್ಗೆ ಸಂಬಂದಿಕರ ಮನೆಗಳಲ್ಲಿ ಹುಡುಕಾಡಿದರೂ ಪತ್ತೆಯಾಗಿರಲಿಲ್ಲ. ಈ ಬಗ್ಗೆ ಬೈಂದೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ