ಹೆಬ್ರಿ : ಕುಸಿದು ಬಿದ್ದು ವ್ಯಕ್ತಿ ಮೃತ್ಯು

ಹೆಬ್ರಿ ಅ.31 : ಕುಸಿದು ಬಿದ್ದು ವ್ಯಕ್ತಿಯೊಬ್ಬರು ಮೃತಪಟ್ಟ ಘಟನೆ ಹೆಬ್ರಿಯ ಶಿವಪುರ ಮುಳ್ಳುಗುಡ್ಡೆ ಎಂಬಲ್ಲಿ ನಡೆದಿದೆ.

ಗೋಪಾಲ ನಜ್ರರಿ (57) ಮೃತಪಟ್ಟವರು.

ಅಸ್ಸಾಂ ಮೂಲದ ಗೋಪಾಲ ನಜ್ರರಿ ಅವರು ತಮ್ಮ ಪತ್ನಿ ಹಾಗೂ ಸಂಬಂದಿಯೊಬ್ಬರ ಜೊತೆ ಶಿವಪುರದ ಮುಳ್ಳುಗುಡ್ಡೆಯ ಎಸ್.ಎಸ್ ಇಂಡಸ್ಟೀಸ್ ಗೇರು ಬೀಜ ಪ್ಯಾಕ್ಟರಿಯಲ್ಲಿ ಕೆಲಸ ಮಾಡಿಕೊಂಡು ಪ್ಯಾಕ್ಟರಿಯ ಬದಿಯಲ್ಲಿರುವ ಬಿಡಾರದಲ್ಲಿ ವಾಸ ಮಾಡುತ್ತಿದ್ದರು.

ಗೋಪಾಲ ನಜ್ರರಿ ಅವರು ಅ.29 ರಂದು ಗೇರುಬೀಜ ಪ್ಯಾಕ್ಟರಿಯಲ್ಲಿ ಕೆಲಸ ಮಾಡಿ ಸಂಜೆ 5 ಗಂಟೆ ಬಳಿಕ ಬಿಡಾರಕ್ಕೆ ಹೋದವರು ಅಸೌಖ್ಯದ ಕಾರಣ ಬಿಡಾರದಲ್ಲಿ ಮಲಗಿದ್ದರು. ಆದರೆ ಸುಮಾರು 5.30ರ ವೇಳೆಗೆ ಮನೆಯಲ್ಲಿ ಅವರು ವಾಂತಿ ಮಾಡಿಕೊಂಡು ಪ್ರಜ್ಞೆ ತಪ್ಪಿದ್ದರು. ಕೂಡಲೇ ಅವರನ್ನು ಚಿಕಿತ್ಸೆಗಾಗಿ ಹೆಬ್ರಿಯ ಸರಕಾರಿ ಅಸ್ಪತ್ರೆಗೆ ಕರೆದುಕೊಂಡು ಹೋದಾಗ ಆಸ್ಪತ್ರೆಯಲ್ಲಿ ಅವರನ್ನು ಪರೀಕ್ಷಿಸಿದ ವೈದ್ಯರು ಅವರು ಅದಾಗಲೇ ಮೃತಪಟ್ಟಿದ್ದಾರೆಂದು ತಿಳಿಸಿದ್ದಾರೆ. ಅದರಂತೆ ಗೋಪಾಲ್ ನಜ್ರರಿ ಅವರು ಹೃದಯಾಘಾತದಿಂದ ಮೃತಪಟ್ಟಿರಬಹುದೆಂದು ಶಂಕಿಸಲಾಗಿದ್ದು, ಈ ಬಗ್ಗೆ ಮೃತರ ಪತ್ನಿ ಮೀನಾ ಅವರು ನೀಡಿದ ಮಾಹಿತಿಯಂತೆ ಹೆಬ್ರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.