ಭಾರತ್ ಜೋಡೋ ಮೂಲಕ ರಾಹುಲ್ ಬಾಡಿ ಫಿಟ್ ನೆಸ್ ಪ್ರದರ್ಶನ- ಶೋಭಾ ಕರಂದ್ಲಾಜೆ ಲೇವಡಿ

ಉಡುಪಿ ಅ.14 (ಉಡುಪಿ ಟೈಮ್ಸ್ ವರದಿ) : ಭಾರತ್ ಜೋಡೋ ಮೂಲಕ ರಾಹುಲ್ ಗಾಂಧಿ ಅವರ ಬಾಡಿ ಫಿಟ್ ನೆಸ್ ಪ್ರದರ್ಶನ ಆಗುತ್ತಿದೆ ಎಂದು ಕೃಷಿ ಹಾಗೂ ರೈತರ ಕಲ್ಯಾಣ ಖಾತೆ ಸಚಿವೆ ಶೋಭಾ ಕರಂದ್ಲಾಜೆ ಅವರು ಲೇವಡಿ ಮಾಡಿದ್ದಾರೆ.

ಇಂದು ಉಡುಪಿಯಲ್ಲಿ ಮಾಧ್ಯಮದ ಜೊತೆಗೆ ಮಾತನಾಡಿದ ಅವರು, ಭಾರತ್ ಜೋಡೋ ಮೂಲಕ ರಾಹುಲ್ ಗಾಂಧಿಯವರ ಬಾಡಿ ಫಿಟ್ ನೆಸ್ ಹೇಗಿದೆಂಬ ಪ್ರದರ್ಶನ ಆಗುತ್ತಿದೆ. ಅವರು ಬಾಡಿಯಲ್ಲಿ ಫಿಟ್ ನೆಸ್ ಇದ್ದಾರೆ. ಆದರೆ ಮೆಂಟಲಿ ಫಿಟ್ ನೆಸ್ ಇದ್ದರಾ, ದೇಶವನ್ನು ಆಳಲು ಫಿಟ್ ನೆಸ್ ಇದ್ದರಾ ಎಂಬುವುದನ್ನು ದೇಶದ ಜನತೆ ನೋಡಿದ್ದಾರೆ. ಹಾಗಾಗಿ ಅವರನ್ನು ರಿಜೆಕ್ಟ್ ಮಾಡಿದ್ದಾರೆ.  ಒಂದು ಪಕ್ಷದ ನೇತೃತ್ವ ವಹಿಸಲು ಸಾಧ್ಯವಾಗದವರು ದೇಶದ ನೇತೃತ್ವ ವಹಿಸಲು ಸಾಧ್ಯವಿಲ್ಲ. ನರೇಂದ್ರ ಮೋದಿ ಅವರಿಗೆ ಸರಿಸಾಟಿಯಾಗಿ ನಿಲ್ಲಬೇಕೆಂಬ ಅವರ ಕನಸು ಯಾವತ್ತೂ ನನಸಾಗುವುದಿಲ್ಲ ಎಂದು ಟೀಕಿಸಿದರು.

ಈ ವೇಳೆ ಉಡುಪಿಯ ಇಂದ್ರಾಳಿ ರೈಲ್ವೇ ಸೇತುವೆ ಕಾಮಗಾರಿ ನಿಧಾನವಾಗುತ್ತಿರುವ ಬಗ್ಗೆ ಪ್ರತಿಕ್ರಿಯೆ ನೀಡಿದ ಅವರು, ರೈಲ್ವೆ ಮತ್ತು ರಾಷ್ಟ್ರೀಯ ಹೆದ್ದಾರಿ ಇಲಾಖೆಯ ನಡುವಿನ ಹೊಂದಾಣಿಕೆ ಹಾಗೂ ಕೆಲವೊಂದು ತಾಂತ್ರಿಕ ಸಮಸ್ಯೆಯಿಂದ ಸೇತುವೆ ಕಾಮಗಾರಿ ನಿಧಾನವಾಗುತ್ತಿದೆ. ಈ ಬಗ್ಗೆ ಸಚಿವ ನಿತಿನ್ ಗಡ್ಕರಿ ಅವರ ಗಮನಕ್ಕೆ ಮಾಹಿತಿ ನೀಡಿದ್ದೇವೆ. ಇದಕ್ಕೆ ರೈಲ್ವೇ ಇಲಾಖೆಯಿಂದ ಅನುಮೋದನೆ ಪ್ರಕ್ರಿಯೆ ನಡೀತಾ ಇದೆ. ಅದೇ ರೀತಿ ರಾಷ್ಟ್ರೀಯ ಹೆದ್ದಾರಿ ಇಲಾಕೆಯಿಂದ ಕೂಡಾ ಅನುಮೋದನೆ ಸಿಗಲಿದೆ. ಇದು ಕೇವಲ 200 ಮೀಟರ್ ಗಿಂತಲೂ ಕಡಿಮೆ ಇರುವ ರಸ್ತೆಯ ಭಾಗದ ಕಾಮಗಾರಿ ವಿಚಾರ ಆದರೆ ಅದನ್ನೇ ದೊಡ್ಡ ವಿಚಾರ ಮಾಡುತ್ತಿದ್ದಾರೆ. ಈ ಸಮಸ್ಯೆಯನ್ನು ರೈಲ್ವೆ ಮತ್ತು ರಾಷ್ಟ್ರೀಯ ಹೆದಾರಿ ಇಲಾಖೆ ಸೇರಿ ಆದಷ್ಟು ಬೇಗ ಪರಿಹರಿಸಲಿದೆ ಎಂದು ಭರವಸೆ ನೀಡಿದರು.

ಇದೇ ವೇಳೆ ಮಂಡ್ಯದಲ್ಲಿ ನಡೆದಿರುವ ಬಾಲಕಿ ಅತ್ಯಾಚಾರ ವಿಚಾರವಾಗಿ ಪ್ರತಿಕ್ರಿಯೆ ನೀಡಿದ ಅವರು, ನಿರ್ಭಯ ಪ್ರಕರಣದ ನಂತರ ಬಲವಾದ ಕಾನೂನು ದೇಶದಲ್ಲಿ ತಂದಿದ್ದೇವೆ, ಆ ಕಾನೂನು ರಾಜ್ಯದಲ್ಲೂ ಕಾರ್ಯಗತವಾಗಬೇಕು. ಅಪ್ರಾಪ್ತ ಬಾಲಕಿಯನ್ನು ಅತ್ಯಾಚಾರ ಮಾಡುವ ಆರೋಪಿಗಳಿಗೆ ಮರಣದಂಡನೆ ಶಿಕ್ಷೆ ಎನ್ನುವಂತಹ ಕಾನೂನು ಪಾರ್ಲಿಮೆಂಟ್ ನಲ್ಲಿ ಪಾಸ್ ಆಗಿದೆ. ಇದು ಎಲ್ಲಾ ರಾಜ್ಯದಲ್ಲೂ ಯಥಾ ಸ್ಥಿತಿಯಲ್ಲಿ ಜಾರಿಗೆ ಬರಬೇಕು. ಹಾಗೂ ಮಂಡ್ಯದ ಘಟನೆಯ ಆರೋಪಿಗೆ ಕಠಿಣ ಶಿಕ್ಷೆ ಆಗಬೇಕು ಎಂದು ಆಗ್ರಹಿಸಿದರು.