ಮಂಗಳೂರು: ಆಗಸ್ಟ್ 14 ರಂದು ಡಾ.ಯು.ಪಿ. ಉಪಾಧ್ಯಾಯರಿಗೆ ಸಂತಾಪ ಸಭೆ
ಮಂಗಳೂರು: ಬಹುಭಾಷಾ ವಿದ್ವಾಂಸ, ತುಳು-ನಿಘಂಟು ರಚನೆಕಾರ ಡಾ. ಯು. ಪಿ ಉಪಾಧ್ಯಾಯ ನಿಧನಕ್ಕೆ ಶುಕ್ರವಾರ ತುಳು ಅಕಾಡೆಮಿ ವತಿಯಿಂದ ಸಂತಾಪ ಸಭೆ
ನಡೆಯಲಿದೆ.
ಆಗಸ್ಟ್ 14 ರಂದು ಸಂಜೆ 3ಗಂಟೆಗೆ ಮಂಗಳೂರಿನ ಉರ್ವ ಸ್ಟೋರ್‌ನಲ್ಲಿರುವ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ‘ಸಿರಿಚಾವಡಿಯಲ್ಲಿ ಸಂತಾಪ ಸಭೆಯನ್ನು ಆಯೋಜಿಸಲಾಗುತ್ತಿದೆ.
1994 ರಲ್ಲಿ ಪ್ರಾರಂಭವಾದ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ ಮೊದಲ ಸದಸ್ಯರ ಮಂಡಳಿಯಲ್ಲಿ ಸದಸ್ಯರಾಗಿದ್ದ, ಬಹು ಭಾಷಾ ವಿದ್ವಾಂಸ, ಸಂಶೋಧಕ, ತುಳು ನಿಘಂಟು ರಚನೆಕಾರ, ಡಾ. ಯು. ಪಿ ಉಪಾಧ್ಯಾಯ ಅವರ ಸಹವರ್ತಿಗಳು, ಅಕಾಡೆಮಿಯ ಮಾಜಿ ಅಧ್ಯಕ್ಷರುಗಳು ಹಾಗೂ ಸದಸ್ಯರುಗಳು, ಕಲಾಭಿಮಾನಿಗಳು, ಸಾಹಿತ್ಯಾಭಿಮಾನಿಗಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸುವಂತೆ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ ರಿಜಿಸ್ಟ್ರಾರ್ ರಾಜೇಶ್ ಜಿ ಅವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿರುತ್ತಾರೆ.
