ಬೆಳಪು ಸರ್ಕಾರಿ ಪಾಲಿಟೆಕ್ನಿಕ್: ಡಿಪ್ಲೋಮಾ ಕೋರ್ಸ್‌’ಗಳಿಗೆ ಪ್ರವೇಶ ದಾಖಲಾತಿ ಪ್ರಾರಂಭ
ಕಾಪು ಮೇ 26 (ಉಡುಪಿ ಟೈಮ್ಸ್ ವರದಿ): ಬೆಳಪು ಗ್ರಾಮದ ದೇವಿನಗರದ ಸರ್ಕಾರಿ ಪಾಲಿಟೆಕ್ನಿಕ್ ಕಾಪು ಸಂಸ್ಥೆಯಲ್ಲಿ ಪ್ರಸಕ್ತ 2022-23 ನೇ ಸಾಲಿಗೆ ಪ್ರಥಮ ವರ್ಷದ ಡಿಪ್ಲೋಮಾ ಕೋರ್ಸ್‌ ಗಳಿಗೆ ಪ್ರವೇಶ ದಾಖಲಾತಿ ಪ್ರಾರಂಭಗೊಂಡಿದೆ.
ಈ ಬಗ್ಗೆ ಸಂಸ್ಥೆ ಪ್ರಕಟಣೆ ಹೊರಡಿಸಿ ಮಾಹಿತಿ ನೀಡಿದ್ದು, ಮೇ 19 ರಿಂದ ಪ್ರವೇಶ ದಾಖಲಾಗಿ ಆರಂಭವಾಗಿದ್ದು, ಜೂ.11 ರ ಸಂಜೆ 5.30 ವರೆಗೆ ಅರ್ಜಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ. ಪ್ರಥಮ ವರ್ಷದ ಡಿಪ್ಲೋಮಾ ಪ್ರವೇಶಕ್ಕೆ ಎಸ್.ಎಸ್.ಎಲ್.ಸಿ/ತತ್ಸಮಾನ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿ ಒಟ್ಟಾರೇ ಶೇ.35 ರಷ್ಟು ಅಂಕಗಳನ್ನು ಪಡೆದಿರುವ ಆರ್ಹ ಅಭ್ಯರ್ಥಿಗಳಿಂದ ಆಟೋಮೆಷನ್ ಅಂಡ್ ರೊಬೋಟಿಕ್ಸ್, ಕ್ಲೌಡ್ ಕಂಪ್ಯೂಟಿಂಗ್ ಅಂಡ್ ಬಿಗ್ ಡೇಟಾ ಎಂಬ ಎರಡು ನೂತನ ಉದಯೋನ್ಮುಖ ಕೋರ್ಸ್‌ಗಳ ಸೀಟುಗಳಿಗೆ, ಸೂಕ್ತ ದಾಖಲಾತಿಗಳೊಂದಿಗೆ ನೇರವಾಗಿ ಸಂಸ್ಥೆಯಲ್ಲಿ ಆಫ್‌ಲೈನ್ ಮೂಲಕ ಮೊದಲು ಬಂದವರಿಗೆ ಮೊದಲ ಆಧ್ಯತೆ ಮೇರೆಗೆ ಪ್ರವೇಶ ಪಡೆಯಲು ಅವಕಾಶವಿದೆ.
ಅತ್ಯಲ್ಪ ಪ್ರವೇಶ ಶುಲ್ಕದೊಂದಿಗೆ ಪ್ರವೇಶ ದಾಖಲಾತಿ ನಡೆಯಲಿದ್ದು, ಹೆಚ್ಚಿನ ಮಾಹಿತಿಗಾಗಿ ಸರ್ಕಾರಿಪಾಲಿಟೆಕ್ನಿಕ್, ಕಾಪು ಸಂಸ್ಥೆಯ ಪ್ರಾಂಶುಪಾಲರು (ಮೊಬೈಲ್ ಸಂಖ್ಯೆ-9480773870/9945759720) ನ್ನು ಹಾಗೂ https://dtetech.Karnataka.gov.in/kartechnical/ ಅನ್ನು ಸಂಪರ್ಕಿಸುವಂತೆ ಸೂಚನೆ ನೀಡಲಾಗಿದೆ.
