ಕಾಪು: ವ್ಯಕ್ತಿ ನಾಪತ್ತೆ

ಕಾಪು ಮೇ.20 (ಉಡುಪಿ ಟೈಮ್ಸ್ ವರದಿ): ತಾಲೂಕಿನ ಮೂಡಬೆಟ್ಟು ಗ್ರಾಮದ ಶಶಿಧರ್‌ ಪೂಜಾರಿ ಎಂಬವರು ಮೇ.18 ರಂದು ರಾತ್ರಿ ಮನೆಯಿಂದ ಹೋದವರು ವಾಪಸ್ಸು ಬಾರದೆ ನಾಪತ್ತೆಯಾಗಿದ್ದಾರೆ.

ಶಶಿಧರ್‌ ಪೂಜಾರಿ (45) ರವರು ಮೇ.18 ರಂದು ಕೆಲಸಕ್ಕೆ ಹೋಗದೇ ಮನೆಯಲ್ಲಿಯೇ ಇದ್ದು, ರಾತ್ರಿ ಊಟವಾದ ಬಳಿಕ ಮಲಗಿಕೊಳ್ಳದೇ ಮನೆಯಲ್ಲಿ ಕುಳಿತುಕೊಂಡಿದ್ದು ನನಗೆ ಹೋಗಬೇಕು ಎಂದು ಹೇಳಿ ರಾತ್ರಿ 11:30 ರ ಸುಮಾರಿಗೆ ಮನೆಯಿಂದ ಹೊರಗೆ ಹೋಗಲು ಯತ್ನಿಸಿದ್ದಾರೆ. ಈ ವೇಳೆ ತಡೆಯಲು ಹೋದ ಪತ್ನಿ ರೇವತಿ ಅವರನ್ನೂ ದೂಡಿ ಮನೆಯಿಂದ ಹೋಗಿದ್ದು, ವಾಪಸ್ಸು ಬಾರದೆ ನಾಪತ್ತೆಯಾಗಿದ್ದಾರೆ.
ಇವರಿಗಾಗಿ, ಮೂಡಬೆಟ್ಟು ಶಂಕರಪುರ, ಕಟಪಾಡಿ, ಉದ್ಯಾವರದಲ್ಲಿ ಹುಡುಕಾಡಿದರೂ ಎಲ್ಲಿಯೂ ಪತ್ತೆಯಾಗಿರುವುದಿಲ್ಲ. ಈ ಬಗ್ಗೆ ಶಶಿಧರ ಅವರ ಪತ್ನಿ ನೀಡಿದ ಮಾಹಿತಿಯಂತೆ ಕಾಪು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ