ಮಣಿಪಾಲ: ಜಾಗದ ಸರ್ವೇ ನಡೆಸುತ್ತಿದ್ದಾಗ ಹಲ್ಲೆ- ದೂರು ದಾಖಲು

ಮಣಿಪಾಲ ಮೇ.18 (ಉಡುಪಿ ಟೈಮ್ಸ್ ವರದಿ): ಪೆರಂಪಳ್ಳಿಯ ಅಂಬಡೆಬೆಟ್ಟಿ ಎಂಬಲ್ಲಿನ ಅಜ್ಜರಕಾಡುವಿನ ಪಿ.ಎನ್ ರವೀಂದ್ರ ರಾವ್ ಹಾಗೂ ಅವರ ಸ್ನೇಹಿತ ಜಗದೀಶ ಶೆಟ್ಟಿಗಾರ ಅವರಿಗೆ ಅವಾಚ್ಯ ಶಬ್ದಗಳಿಂದ ಬೈದು ಹಲ್ಲೆ ನಡೆಸಿರುವುದಾಗಿ ಹೆರಾಲ್ಡ್ ಡಿಸೋಜಾ ಎಂಬಾತನ ವಿರುದ್ಧ ಮಣಿಪಾಲ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಮೇ.17 ರಂದು ಸಂಜೆ ವೇಳೆ ಪಿ.ಎನ್ ರವೀಂದ್ರ ರಾವ್ ಹಾಗೂ ಅವರ ಸ್ನೇಹಿತ ಜಗದೀಶ ಶೆಟ್ಟಿಗಾರ ಅವರು ರವೀಂದ್ರ ರಾವ್ ಅವರ ತಂದೆಯ ಪೆರಂಪಳ್ಳಿಯ ಅಂಬಡೆಬೆಟ್ಟಿ ಎಂಬಲ್ಲಿನ ಜಾಗಕ್ಕೆ ಹೋಗಿದ್ದು ಅಲ್ಲಿಗೆ ಬಂದ ಹೆರಾಲ್ಡ್ ಡಿಸೋಜಾ ಎಂಬಾತ ಅವಾಚ್ಯವಾಗಿ ಬೈದು ಜಗದೀಶ್ ಶೆಟ್ಟಿಗಾರವರಿಗೆ ಹಲ್ಲೆ ಮಾಡಿದ್ದು ಈ ವೇಳೆ ತಪ್ಪಿಸಲು ಹೋದ ರವೀಂದ್ರ ರಾವ್ ಅವರಿಗೂ ಹಲ್ಲೆ ನಡೆಸಿದ್ದಾನೆ. ಅಲ್ಲದೆ ಜಗದೀಶ ಶೆಟ್ಟಿಗಾರ ರವರನ್ನು ಹೆರಾಲ್ಡ್ ಡಿಸೋಜಾ ಹಾಗೂ ಇತರರು ಸೇರಿ ಹಿಡಿದುಕೊಂಡಿದ್ದರು ಎಂಬುದಾಗಿ ನೀಡಿದ ದೂರಿನಂತೆ ಮಣಿಪಾಲ ಠಾಣೆಯಲ್ಲಿ ದೂರು ದಾಖಲಾಗಿದೆ.