ಬೆಳ್ಮಣ್: ಸ್ವಚ್ಛತಾ ಸಿಬ್ಬಂದಿಗೆ ಜಾತಿನಿಂದನೆಗೈದು ಹಲ್ಲೆ

ಕಾರ್ಕಳ ಮೇ.18 (ಉಡುಪಿ ಟೈಮ್ಸ್ ವರದಿ): ತಾಲೂಕಿನ ಬೆಳ್ಮಣ್ ಗ್ರಾಮದ ಕೊಡಿಮಾರು ಗುಂಡಾವು ಎಂಬಲ್ಲಿ ರುಕ್ಕುರವರಿಗೆ ಜಾತಿ ನಿಂದನೆ ಮಾಡಿ ಹಲ್ಲೆ ಮಾಡಿರುವುದಾಗಿ ಪ್ರಕಾಶ್ ಡಿಸೋಜಾ ಎಂಬಾತನ ವಿರುದ್ಧ ಗ್ರಾಮಾಂತರ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಪರಿಶಿಷ್ಟ ಜಾತಿಯ ಆದಿದ್ರಾವಿಡ ಜನಾಂಗಕ್ಕೆ ಸೇರಿದ ರುಕ್ಕುರವರು ಮೇ.11 ರಂದು ಬೆಳ್ಮಣ್ ಗ್ರಾಮದ ಕೊಡಿಮಾರು ಗುಂಡಾವು ಎಂಬಲ್ಲಿ ಅಬ್ರಾಹಂ ಎಂಬವರ ಮನೆಯ ತೋಡಿನ ಕಸಕಡ್ಡಿ ತೆಗೆಯುವ ಕೆಲಸ ಮಾಡುತ್ತಿದ್ದರು. ಈ ವೇಳೆ ಅಲ್ಲಿಗೆ ಬಂದಿದ್ದ ಪ್ರಕಾಶ್ ಡಿಸೋಜಾ ಎಂಬಾತ ರುಕ್ಕುರವರಿಗೆ ಏಕಾಏಕಿ ಜಾತಿನಿಂದನೆ ಮಾಡಿ ಹಲ್ಲೆ ಮಾಡಿರುವುದಾಗಿ ನೀಡಿದ ದೂರಿನಂತೆ ಕಾರ್ಕಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.