ಬ್ರಹ್ಮಾವರ: ಪತ್ನಿಯ ಹೊಡೆದು ಕೊಂದ ಪತಿ

ಶಂಕರನಾರಾಯಣ ಮೇ.18(ಉಡುಪಿ ಟೈಮ್ಸ್ ವರದಿ): ಬ್ರಹ್ಮಾವರದ ವಂಡಾರುವಿನ ಕಟ್ಟೆಕೊಡ್ಲು ಎಂಬಲ್ಲಿ ಗಂಡನೋರ್ವ ಹೆಂಡತಿಗೆ ಹೊಡೆದು ಕೊಲೆಗೈದಿರುವ ಬಗ್ಗೆ ಶಂಕರನಾರಾಯಣ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.    

ವಂಡಾರು ಗ್ರಾಮ ಸುರೇಂದ್ರ ನಾಯ್ಕ ಕಟ್ಟೆಕೊಡ್ಲು ಎಂಬಾತ ತನ್ನ ಪತ್ನಿ ಅನಿತಾರಿಗೆ ಹೊಡೆದು ಕೊಲೆ ಮಾಡಿರುವುದಾಗಿ ಮೃತರ ತಂಗಿ ಜಯಂತಿ ಎಂಬವರು ಪೊಲೀಸರಿಗೆ ದೂರು ನೀಡಿದ್ದಾರೆ.

15 ವರ್ಷದ ಹಿಂದೆ ಅನಿತಾರನ್ನು ಮದುವೆಯಾಗಿದ್ದ ಸುರೇಂದ್ರನಾಯ್ಕ ಕಟ್ಟೆಕೊಡ್ಲು ಅನಿತಾ ಹಾಗೂ ಮಕ್ಕಳಿಗೆ ಯಾವಾಗಲೂ ವಿಪರೀತವಾಗಿ ಹೊಡೆಯುತ್ತಿದ್ದನು. ಅದರಂತೆ ನಿನ್ನೆ ಕೂಡಾ ಮನೆಯಲ್ಲಿ ಅನಿತಾ ಅವರಿಗೆ ಹಲ್ಲೆ ಮಾಡಿ ಕೊಲೆ ಮಾಡಿರುವುದಾಗಿದೆ ನೀಡಿದ ದೂರಿನಂತೆ ಶಂಕರನಾರಾಯಣ ಪೊಲೀಸ್ ಠಾಣೆಯಲ್ಲಿ ಕೊಲೆ ಪ್ರಕರಣ ದಾಖಲಾಗಿದೆ.