ತೆಕ್ಕಟ್ಟೆ: 8 ಸೋಲಾರ್ ವಿದ್ಯುತ್ ದೀಪಗಳ ಬ್ಯಾಟರಿ ಕಳವು

ಕೋಟ ಮೇ.17 (ಉಡುಪಿ ಟೈಮ್ಸ್ ವರದಿ): ತೆಕ್ಕಟ್ಟೆ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಅಳವಡಿಸಿದ 8 ಸೋಲಾರ್ ವಿದ್ಯುತ್ ದೀಪಗಳ ಬ್ಯಾಟರಿ ಕಳವು ಗೈದಿರುವ ಘಟನೆ ನಡೆದಿದೆ.

ತೆಕ್ಕಟ್ಟೆ ಪಂಚಾಯತ್ ವ್ಯಾಪ್ತಿಯಲ್ಲಿ ಅಳವಡಿಸಿದ ಸೋಲಾರ್ ವಿದ್ಯುತ್ ದೀಪ ಒಂದು ವಾರದಿಂದ ಹಾಳಾಗಿರುವ ಬಗ್ಗೆ ಸಾರ್ವಜನಿಕರು ನೀಡಿದ ದೂರಿನ ಮೇರೆಗೆ ತೆಕ್ಕಟ್ಟೆ ಗ್ರಾಮ ಪಂಚಾಯತ್ ಕಾರ್ಯದರ್ಶಿ ಚಂದ್ರ ಅವರು ಸ್ಥಳಗಳಿಗೆ ತೆರಳಿ ಪರಿಶೀಲನೆ ನಡೆಸಿದಾಗ ಪಂಚಾಯತ್ ವ್ಯಾಪ್ತಿಯ ವಿವಿಧ ಸ್ಥಳಗಳಲ್ಲಿ ಅಳವಡಿಸಲಾದ ಸೋಲಾರ್ ಬ್ಯಾಟರಿಗಳು ಕಳವಾಗಿರುವುದು ಗಮನಕ್ಕೆ ಬಂದಿದೆ. ಕಳವಾಗಿರುವ  8 ಸೋಲಾರ್ ಬ್ಯಾಟರಿಗಳ ಒಟ್ಟು ಮೌಲ್ಯ 32,000 ಆಗುರುತ್ತದೆ ಎಂಬುದಾಗಿ ನೀಡಿದ ಮಾಹಿತಿಯಂತೆ  ಕೋಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.