ಲಯನ್ಸ್ ಉಪಜಿಲ್ಲಾ ಗವರ್ನರ್ ಚುನಾವಣೆ: ಗೆಲುವಿನ ನಗೆ ಬೀರಿದ ಲ.ಮಹಮ್ಮದ್ ಹನೀಫ್
ಉಡುಪಿ, ಮೇ 1 (ಉಡುಪಿ ಟೈಮ್ಸ್ ವರದಿ): ಅಂತಾರಾಷ್ಟ್ರೀಯ ಲಯನ್ಸ್ ಕ್ಲಬ್ 317 ಸಿ ಇದರ 2022-23 ನೇ ಸಾಲಿನ ದ್ವಿತೀಯ ಲಯನ್ಸ್ ಉಪಜಿಲ್ಲಾ ಗವರ್ನರ್ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಉಡುಪಿ ಲಯನ್ಸ್ ಕ್ಲಬ್ ಮಿಡ್‌ ಟೌನ್ ನ ಮಹಮ್ಮದ್ ಹನೀಫ್ ಪಿ.ಎಂ.ಜೆ.ಎಫ್ ಅವರು ಭರ್ಜರಿ ಜಯಭೇರಿ ಬಾರಿಸಿ ಗೆಲುವಿನ ನಗೆ ಬೀರಿದ್ದಾರೆ.
ಇಂದು ಅಂಬಾಗಿಲಿನ ಅಮೃತ್ ಗಾರ್ಡನ್ ನಲ್ಲಿ ನಡೆದ ಜಿಲ್ಲಾ ಸಮ್ಮೇಳನದಲ್ಲಿ ದ್ವಿತೀಯ ಲಯನ್ಸ್ ಉಪ ಗರ್ವನರ್ ಸ್ಥಾನಕ್ಕೆ ಲ.ಮಹಮ್ಮದ್ ಹನೀಫ್ ಮತ್ತು ಕುಂದಾಪುರ ಲಯನ್ಸ್ ಕ್ಲಬ್ ನ ರಾಜೀವ್ ಕೋಟ್ಯಾನ್ ಸ್ಪರ್ಧಿಸಿದ್ದರು.
289 ಮತದಲ್ಲಿ 166 ಮತ ಪಡೆದು ಲ. ಮಹಮ್ಮದ್ ಹನೀಫ್ ವಿಜಯದ ಪತಾಕೆಯನ್ನು ಹಾರಿಸಿದರೆ, ಕುಂದಾಪುರ ರಾಜೀವ್ ಕೋಟ್ಯಾನ್ 123 ಮತ ಪಡೆದು ಪರಾಜಿತರಾಗಿದ್ದಾರೆ.
