ಕಾರ್ಕಳ: ಬಟ್ಟೆ ಅಂಗಡಿಯ ಸಿಬ್ಬಂದಿಗೆ ರಿಕ್ಷಾ ಚಾಲಕರಿಂದ ಹಲ್ಲೆ

ಕಾರ್ಕಳ ಎ.30(ಉಡುಪಿ ಟೈಮ್ಸ್ ವರದಿ): ರಿಕ್ಷಾ ಬಾಡಿಗೆ ವಿಚಾರಕ್ಕೆ ಸಂಬಂಧಿಸಿ ವ್ಯಕ್ತಿಯೊಬ್ಬರಿಗೆ ರಿಕ್ಷಾ ಚಾಲಕರು ಹಲ್ಲೆ ಮಾಡಿ ಜೀವ ಬೆದರಿಕೆ ಹಾಕಿರುವ ಘಟನೆ ಕಾರ್ಕಳದಲ್ಲಿ ನಡೆದಿದೆ.

ಕುಕ್ಕುಂದೂರು ಯೋಗೀಶ್ ನಾಯಕ್ ಕಾರ್ಕಳ ಜೋಡುರಸ್ತೆಯಲ್ಲಿ ಬಟ್ಟೆ ಅಂಗಡಿಯಲ್ಲಿ ಕೆಲಸ ಮಾಡುತ್ತಿದ್ದರು. ಎ.29 ರಂದು, ತಮ್ಮ ಅಂಗಡಿಯ ಮಾಲೀಕ ಮತ್ತೊಂದು ಅಂಗಡಿಯ ಕೆಲಸಗಾರರಿಗೆ ತಿಂಡಿ ಕೊಡಲು ಹೋಗುತ್ತಿರುವಾಗ ಅಪಾದಿತರಾದ ರಿಕ್ಷಾ ಚಾಲಕರಾದ ಪದ್ಮನಾಭ ಶೆಟ್ಟಿಗಾರ್, ಮನೋಜ್ ಮತ್ತು ಫಾಸ್ಕಲ್ ಎಂಬವರು ಯೋಗೀಶ್ ಅವರಿಗೆ ಅವಾಚ್ಯ ಶಬ್ದಗಳಿಂದ ಬೈದಿದ್ದು ಮಾತ್ರವಲ್ಲದೆ ಬಳಿಕ ಮೂವರು ತಮ್ಮ ಆಟೋದಲ್ಲಿ ಬಂದು ರಿಕ್ಷಾ ಬಾಡಿಗೆಗೆ ತಮಗೆ ನೀಡದೇ ಬೇರೆಯವರಿಗೆ ಕರೆಯುತ್ತೀ ಎಂದು ಹೇಳುತ್ತಾ ಮೂರು ಜನರೂ ಹಲ್ಲೆ ಮಾಡಿ ಜೀವ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನಂತೆ ಕಾರ್ಕಳ ನಗರ ಪೊಲೀಸ್  ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.