ಕಾರ್ಕಳ: ಸ್ಕೂಟರ್ ಕಳ್ಳತನ

ಕಾರ್ಕಳ ಎ.30(ಉಡುಪಿ ಟೈಮ್ಸ್ ವರದಿ): ಕಾರ್ಕಳ ಪುರಸಭೆ  ಸಮೀಪ ನಿಲ್ಲಿಸಿದ್ದ ಪ್ರಭಾಕರ ಎಂಬವರ ಸ್ಕೂಟರ್ ಕಳ್ಳತನವಾಗಿರುವ ಬಗ್ಗೆ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಕುಂದಾಪುರದ ಅಸೋಡುವಿನ ಪ್ರಭಾಕರ (57) ಅವರು, ಎ. 28 ರಂದು ಬೆಳಿಗ್ಗೆ ಕಾರ್ಕಳಕ್ಕೆ ಬಂದು ಕಾರ್ಕಳ ಪುರಸಭೆ ಸಮೀಪ ನಿಲ್ಲಿಸಿ ತಮ್ಮ ಸ್ಕೂಟರ್ ನಿಲ್ಲಿಸಿ ಕೀಯನ್ನು ಅದರಲ್ಲಿಯೇ ಬಿಟ್ಟು ಹತ್ತಿರದ ಗ್ಲಾಸ್ ಅಂಗಡಿಗೆ ಹೋಗಿದ್ದರು. ಸ್ವಲ್ಪ ಹೊತ್ತಿನ ನಂತರ ವಾಪಸ್ಸು ಬಂದು ನೋಡಿದಾಗ ಸ್ಕೂಟರ್ ನಿಲ್ಲಿಸಿದ್ದ ಜಾಗದಲ್ಲಿ ಇಲ್ಲದೇ ಇರುವುದು ಗಮನಕ್ಕೆ ಬಂದಿದೆ. ಈ ಬಗ್ಗೆ ಆಸುಪಾಸಿನಲ್ಲಿ ಹುಡುಕಿದರೂ ಸ್ಕೂಟರ್ ಎಲ್ಲೂ ಪತ್ತೆಯಾಗಿರುವುದಿಲ್ಲ. ಕಳವಾದ ಸ್ಕೂಟರ್ ನ ಮೌಲ್ಯ 40,000 ರೂ. ಆಗಿರುತ್ತದೆ ಎಂಬುದಾಗಿ ನೀಡಿದ ದೂರಿನಂತೆ ಕಾರ್ಕಳ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.