ಶಂಕರಪುರ: ಎ.30 ರಂದು “ಕ್ಯಾನರಿ” ಗಾರ್ಡನ್ ಲೋಕಾರ್ಪಣೆ

ಉಡುಪಿ ಎ,29 (ಉಡುಪಿ ಟೈಮ್ಸ್ ವರದಿ): ಎಲ್ಲಾ ತರಹದ ಶುಭ ಸಮಾರಂಭಗಳ ಆಚರಣೆಗಾಗಿ ಶಂಕರಪುರದ ಇನ್ನಂಜೆಯ ರೈಲ್ವೆ ಸ್ಟೇಷನ್ ರಸ್ತೆ ಸಮೀಪ ನೂತನವಾಗಿ ನಿರ್ಮಾಣಗೊಂಡಿರುವ ಕ್ಯಾನರಿ ಗಾರ್ಡನ್ ತೆರೆದ ಸಭಾಭವನ ಎ.30 ರಂದು ಸಂಜೆ 6.30 ಕ್ಕೆ ಉದ್ಘಾಟನೆಗೊಳ್ಳಲಿದೆ.

ಶಂಕರಪುರದ ಸೈಂಟ್ ಜಾನ್ ದಿ ಇವೆನ್ಗೆಲಿಸ್ಟ್ ಚರ್ಚ್ ನ ಧರ್ಮಗುರು ರೆ.ಫಾ.ಫರ್ಡಿನಾಂಡ್ ಗೊನ್ಸಾಲ್ವಿಸ್ ಅವರು ಈ ನೂತನ ಕೆನರಿ ಗಾರ್ಡನ್ ನ್ನು ಉದ್ಘಾಟಿಸಿ ಆಶಿರ್ವಚನ ನೀಡಲಿದ್ದಾರೆ.

ಈ ವೇಳೆ ಕಾರ್ಯಕ್ರಮಲ್ಲಿ ಉದ್ಯಾವರದ ಸೈಂಟ್ ಫ್ರಾನ್ಸಿಸ್ ಝೇವಿಯರ್ ಚರ್ಚ್ ನ ಧರ್ಮ ಗುರು ವಂ.ರೆ.ಫಾ. ಸ್ಟ್ಯಾನಿ ಬಿ.ಲೋಬೊ, ಚಿತ್ರದುರ್ಗದ ಹಿರಿಯೂರಿನ ಅವರ್ ಲೇಡಿ ಆಫ್ ಅಸಮ್ಪಶನ್ ಚರ್ಚ್ ನ ಧರ್ಮಗುರು ರೆ.ಫಾ ಫ್ರಾಂಕ್ಲಿನ್ ಡಿಸೋಜಾ, ಕಾರ್ಕಳದ ಅತ್ತೂರಿನ ಸೈಂಟ್ ಲಾರೆನ್ಸ್ ಬಸಲಿಕಾ ಚರ್ಚ್ ನ ಧರ್ಮ ಗುರು ರೆ.ಫಾ.ಅಲ್ಬನ್ ಡಿಸೋಜಾ ಅವರು ಭಾಗವಹಿಸಲಿದ್ದಾರೆ.

ಈ ನೂತನ ತೆರೆದ ಮೈದಾನದಲ್ಲಿ ಆರಂಭಗೊಳ್ಳುತ್ತಿರುವ ಕೆನರಿ ಗಾರ್ಡನ್ ಸಭಾಭವನ 4.5 ಎಕ್ರೆ ವಿಸ್ತೀರ್ಣದಲ್ಲಿ ರೂಪುಗೊಂಡಿದೆ. ಇಲ್ಲಿ ಯಾವುದೇ ಜಾತಿ ಧರ್ಮದ ಹಂಗು ಇಲ್ಲದೆ ಎಲ್ಲಾ ವರ್ಗದವರಿಗೂ ಮುಕ್ತವಾಗಿ ಅವರ ಮನೆಯ ಶುಭಸಮಾರಂಭಗಳನ್ನು ಆಯೋಜಿಸಲು ಅವಕಾಶ ಇದ್ದು, ಮದುವೆ ಸಮಾರಂಭಗಳಿಗೆ ಹವಾನಿಯಂತ್ರಿತ ಡ್ರೆಸ್ಸಿಂಗ್ ರೂಮ್ ಗಳ ವ್ಯವಸ್ಥೆಯನ್ನು ಮಾಡಲಾಗಿದೆ.

ಒಂದು ಎಕರೆ ಪ್ರದೇಶವನ್ನು ಕಾರ್ಯಕ್ರಮ ನಡೆಸಲು ಮೀಸಲಿಟ್ಟಿದ್ದು, 1500 ಜನಸಂಖ್ಯೆ ಯನ್ನು ಒಳಗೊಂಡಂತೆ ಕಾರ್ಯಕ್ರಮ ನಡೆಸಬಹುದಾಗಿದೆ. ಹಾಗೂ 2.5  ಎಕರೆ ಪ್ರದೇಶದಲ್ಲಿ ಪಾರ್ಕಿಂಗ್ ವ್ಯವಸ್ಥೆ ಮಾಡಲಾಗಿದ್ದು, ದ್ವಿಚಕ್ರ ವಾಹನ ಮತ್ತು ಇತರ ವಾಹನಗಳಿಗೆ ಪ್ರತ್ಯೇಕ ಪಾರ್ಕಿಂಗ್ ಸೌಲಭ್ಯ ಕಲ್ಪಿಸಲಾಗಿದೆ.

ಇಲ್ಲಿ ಕಾರ್ಯಕ್ರಮ ಆಯೋಜಿಸಲಿಚ್ಚಿಸುವವರು 9845141816 ಮೊಬೈಲ್ ಸಂಖ್ಯೆಯನ್ನುಸಂಪರ್ಕಿಸುವಂತೆ ಮಾಲಕರು ತಿಳಿಸಿದ್ದಾರೆ.