| ಮಣಿಪಾಲ ಎ.26 (ಉಡುಪಿ ಟೈಮ್ಸ್ ವರದಿ): ಹಿಂಬಾಲಿಸುತ್ತಿದ್ದಾನೆ ಎಂಬ ಸಂಶಯದ ಮೇರೆಗೆ ಬೈಕ್ ಸವಾರ ಯುವಕ ಮೇಲೆ ಹಲ್ಲೆ ಮಾಡಿರುವ ಘಟನೆ ಮಣಿಪಾಲ ಪ್ರೆಸ್ ಬಳಿ ನಡೆದಿದೆ.
ಬ್ರಹ್ಮಾವರದ ಚಾಂತಾರುವಿನ ಪ್ರವೀಣ ಹಲ್ಲೆಗೊಳಗಾದವರು. ಇವರು ಮಣಿಪಾಲದಲ್ಲಿ ಕೆಲಸ ಮಾಡಿಕೊಂಡಿದ್ದು, ಎ.24 ರಂದು ಕೆಲಸಕ್ಕಾಗಿ ತಮ್ಮ ಸ್ನೇಹಿತನ ಬೈಕ್ ನಲ್ಲಿ ಮಣಿಪಾಲಕ್ಕೆ ಹೊರಟಿದ್ದರು. ಈ ವೇಳೆ ಮಣಿಪಾಲ ಪ್ರೆಸ್ ಬಳಿ ಹೋಗುತ್ತಿದ್ದಾಗ ಮೊಬೈಲ್‍ಗೆ ವಾಟ್ಸಪ್ ಕಾಲ್ ಬಂತೆಂದು ಅವರು ಬೈಕ್ ನ್ನು ನಿಲ್ಲಿಸಿದ್ದರು. ಆಗ ಎದುರುಗಡೆಯಿಂದ ಹೋಗುತ್ತಿದ್ದ ಆಟೋರಿಕ್ಷಾವನ್ನು ಅದರ ಚಾಲಕನು ನಿಲ್ಲಿಸಿ ಇವರ ಬಳಿ ಬಂದು ನೀನು ಯಾಕೆ ನಮ್ಮ ರಿಕ್ಷಾವನ್ನು ಪಾಲೋ ಮಾಡುತ್ತೀ ಎಂದು ಹೇಳಿ ಹಲ್ಲೆ ಮಾಡಿದ್ದು ಮಾತ್ರವಲ್ಲದೆ ಆಟೋದಲ್ಲಿ ಇದ್ದ ಪ್ರವೀಣ ಅವರ ಪರಿಚಯದ ಕುಕ್ಕೆಹಳ್ಳಿಯ ಪುಷ್ಪಲತಾ ಎಂಬವರೂ ಪ್ರವೀಣ ಅವರಿಗೆ ಬೈದಿದ್ದು, ರಿಕ್ಷಾ ಚಾಲಕನು ಜೀವ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನಂತೆ ಮಣಿಪಾಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
| |
