ಕಾರ್ಕಳ: ನೂರಾಳ್ ಬೆಟ್ಟುವಿನಲ್ಲಿ ಸಿಡಿಲಾರ್ಭಟಕ್ಕೆ ಓರ್ವ ಬಲಿ

ಕಾರ್ಕಳ ಎ.26 (ಉಡುಪಿ ಟೈಮ್ಸ್ ವರದಿ): ಜಿಲ್ಲೆಯಲ್ಲಿ ಹಲವು ಕಡೆಗಳಲ್ಲಿ ಕಳೆದ ಕೆಲ ದಿನಗಳಿಂದ ಅಕಾಲಿಕ ಮಳೆಯಾಗುತ್ತಿದ್ದು ಕಾರ್ಕಳದ ನೂರಾಳ್ ಬೆಟ್ಟುವಿನಲ್ಲಿ ಸಿಡಿಲಾರ್ಭಟಕ್ಕೆ ಓರ್ವ ಬಲಿಯಾಗಿದ್ದಾರೆ.

ಕಾರ್ಕಳದ ನೂರಾಳ್ ಬೆಟ್ಟುವಿನ ಜಿಗೀಶ್ ಜೈನ್ (38) ಮೃತಪಟ್ಟವರು. ಇವರು ನಿನ್ನೆ ಮನೆಯ ಜಗಲಿಯಲ್ಲಿ ತಗಡು ಶೀಟ್ ನ್ನು ಸರಿ ಮಾಡುತ್ತಿದ್ದಾಗ ಸಿಡಿಲು ಬಡಿದು ಗಾಯಗೊಂಡಿದ್ದರು. ತಕ್ಷಣ ಅವರನ್ನು, ಚಿಕಿತ್ಸೆಗಾಗಿ ಹೊಸ್ಮಾರುವಿನ ಕ್ಲಿನಿಕ್ ಗೆ ಕರೆದುಕೊಂಡು ಹೋಗಿದ್ದು, ಅಲ್ಲಿಯ ವೈದ್ಯರು ಪರೀಕ್ಷಿಸಿ ಜಿಗೀಶ್ ಮೃತಪಟ್ಟಿರುವುದಾಗಿ ತಿಳಿಸಿದ್ದಾರೆ. ಈ ಬಗ್ಗೆ ಮೃತರ ಅಣ್ಣ ಹರ್ಷ ಜೈನ್ ಎಂಬವರು ನೀಡಿದ ಮಾಹಿತಿಯಂತೆ ಕಾರ್ಕಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.