| ಶಂಕರನಾರಾಯಣ ಮಾ.25(ಉಡುಪಿ ಟೈಮ್ಸ್ ವರದಿ): ಕುಂದಾಪುರದ ಅಂಪಾರುವಿನಲ್ಲಿ ಬಾರ್ ನಿಂದ ಊಟ ಮಾಡಿ ಹೊರ ಬರುತ್ತಿದ್ದ ರಂಜಿತ್ ಶೆಟ್ಟಿ ಹಾಗೂ ಅವರ ಸ್ನೇಹಿತನ ಮೇಲೆ ಗುಂಪೊಂದು ಹಲ್ಲೆ ಮಾಡಿರುವ ಕುರಿತು ಇಲ್ಲಿನ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಕುಂದಾಪುರದ ಅಂಪಾರುವಿನ ರಂಜಿತ್ ಶೆಟ್ಟಿ, ಹಾಗೂ ಅವರ ಸ್ನೇಹಿತ ಅಂಪಾರುವಿನ ಬಾರ್ ವೊಂದರಲ್ಲಿ ಊಟ ಮಾಡಿ ಹೊರಗಡೆ ಬರುತ್ತಿದ್ದಾಗ ಅಭಿಷೇಕ್ ಶೆಟ್ಟಿ ಮತ್ತು ಪ್ರಜ್ವಲ್ ಶೆಟ್ಟಿ ಕಾಲನ್ನು ಅಡ್ಡಹಾಕಿ ಗಲಾಟೆ ಮಾಡಿದ್ದರು. ಬಳಿಕ 10 ಗಂಟೆ ಸುಮಾರಿಗೆ ರಂಜಿತ್ ಹಾಗೂ ಅವರ ಸ್ನೇಹಿತ ಅಂಪಾರುವಿನ ಹಾಲು ಡೈರಿ ಬಳಿ ಹೋಗುತ್ತಿರುವಾಗ ಅಭಿಷೇಕ್ ಶೆಟ್ಟಿ ಮತ್ತು ಪ್ರಜ್ವಲ್ ಶೆಟ್ಟಿ ಮತ್ತು ಇತರೇ ನಾಲ್ವರು ಸೇರಿ ಇವರನ್ನು ಅಡ್ಡಕಟ್ಟಿ ಹಲ್ಲೆ ಮಾಡಿದ್ದಾರೆ. ಹಲ್ಲೆಯಿಂದ ಗಾಯಗೊಂಡ ಅವರು ಕುಂದಾಪುರ ಸರಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿರುವುದಾಗಿ ನೀಡಿದ ದೂರಿನಂತೆ ಶಂಕರನಾರಾಯಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. | |
