ಹಿರಿಯಡ್ಕ: ಕೋಳಿ ಕೇಳುವ ನೆಪದಲ್ಲಿ ಮಹಿಳೆಯ ಕರಿಮಣಿ ಸೆಳೆದು ಪರಾರಿ
ಹಿರಿಯಡ್ಕ ಮಾ.23 (ಉಡುಪಿ ಟೈಮ್ಸ್ ವರದಿ): ಮಾರಾಟದ ಕೋಳಿ ಕೇಳುವ ನೆಪದಲ್ಲಿ ಬಂದು ವ್ಯಕ್ತಿಯೋರ್ವ ಮಹಿಳೆಯ ಕುತ್ತಿಗೆಯಿಂದ 1,20,000 ರೂ. ಮೌಲ್ಯದ ಕರಿಮಣಿ ಸರ ದೂಚಿ ಪರಾರಿಯಾಗಿರುವ ಘಟನೆ ಪೆರ್ಡೂರಿನಲ್ಲಿ ನಡೆದಿದೆ.
ಮಾ.22 ರಂದು ಸ್ಥಳೀಯ ನಿವಾಸಿ ಶೋಭಾ ಅವರು ತಮ್ಮ ಮನೆಯಲ್ಲಿ ಇದ್ದ ವೇಳೆ, ಬೈಕಿನಲ್ಲಿ ಬಂದ ವ್ಯಕ್ತಿಯೋರ್ವ ಮಾರಾಟದ ಕೋಟಿ ಇದೆಯೇ ಎಂದು ಕೇಳಿದ್ದಾನೆ. ಈ ವೇಳೆ ಶೋಭಾ ಅವರು ಇಲ್ಲ ಎಂದಾಗ ಆತ ಅಕ್ಕ ಪಕ್ಕದ ಮನೆಯಲ್ಲಿ ಇದೇ ರೀತಿ ವಿಚಾರಿಸಿದ್ದಾನೆ. ನಂತರ ಶೋಭಾ ಅವರ ಮನೆಯ ಪಕ್ಕದ ಮರದಲ್ಲಿ ಹಣ್ಣು ಕೀಳುತ್ತಿದ್ದ ಆತನಿಗೆ ಹಣ್ಣು ತುಂಬಿಸಲು ಕವರ್ ನೀಡಿ ನಿಂತಿದ್ದ ವೇಳೆ ಆತ ಶೋಭಾ ಅವರ ಕುತ್ತಿಗೆಯಿಂದ 1,20,000 ರೂ. ಮೌಲ್ಯದ ಕರಿಮಣಿ ಸರ ದೋಚಿ ಪರಾರಿಯಾಗಿದ್ದಾನೆ. ಈ ಬಗ್ಗೆ ಹಿರಿಯಡ್ಕ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
