| ಉಡುಪಿ ಮಾ.3(ಉಡುಪಿ ಟೈಮ್ಸ್ ವರದಿ) ನಗರದ ಇಶ್ನಾ ಪ್ಲೇ ಸ್ಕೂಲ್ ವತಿಯಿಂದ ಆಯೋಜಿಸಿದ ಉಡುಪಿ ಕ್ಯೂಟ್ ಕಿಡ್ ಸ್ಪರ್ಧೆಯ ವಿಜೇತ ಮಕ್ಕಳಿಗೆ ಬಹುಮಾನ ವಿತರಣಾ ಸಮಾರಂಭ ಮಾ.6 ರಂದು ನಡೆಯಲಿದೆ.
ಈ ಕಾರ್ಯಕ್ರಮ ಮಾ.6 ರಂದು ಮಣಿಪಾಲದ ಆರ್ ಎಸ್’ಬಿ ಭವನದಲ್ಲಿ ಸಂಜೆ 3 ಗಂಟೆಯಿಂದ 8 ಗಂಟೆ ವರೆಗೆ ನಡೆಯಲಿದ್ದು, ಸ್ಪರ್ಧೆಯಲ್ಲಿ ವಿಜೇತ ಮಕ್ಕಳಿಗೆ ಬಹುಮಾನ ವಿತರಣೆ ಮಾಡಲಾಗುತ್ತದೆ. ಈ ಸಮಾರಂಭದಲ್ಲಿ ಉಲ್ಕ್ (Ulke) ಬ್ಯಾಂಡ್ ನಿಂದು ಲೈವ್ ಪರ್ಫಾಮೆನ್ಸ್ ನಡೆಯಲಿದೆ. ಹಾಗೂ ಫನ್ ಗೇಮ್ಸ್ ಗಳು ನಡೆಯಲಿದ್ದು ಸ್ಥಳದಲ್ಲೇ ಬಹುಮಾನ ನೀಡಲಾಗುವುದು. ಇದರ ಜೊತೆಗೆ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿದೆ.
ಈ ಸಮಾರಂಭದಲ್ಲಿ ಮಕ್ಕಳಿಗೆ ಪೂರಕವಾದ ವಸ್ತುಗಳ ಪ್ರದರ್ಶನಕ್ಕೆ 15 ಸ್ಟಾಲ್ ಗಳನ್ನು ಇಡಲು ಅವಕಾಶ ನೀಡಿದ್ದು, ಸಾರ್ವಜನಿಕರಲ್ಲಿ ಯಾರಾದರೂ ಆಟಿಕೆಗಳು, ಪುಸ್ತಕ ಇತ್ಯಾದಿ ಮಕ್ಕಳಿಗೆ ಪೂರಕವಾದ ಸ್ಟಾಲ್ ಗಳನ್ನು ಇಡುವವರಿಗೆ ಬೆಳಿಗ್ಗೆ 10 ಗಂಟೆಯಿಂದ 8 ಗಂಟೆ ವರೆಗೆ ಅವಕಾಶ ನೀಡಲಾಗುತ್ತದೆ. ಆದ್ದರಿಂದ ಈ ಸ್ಪರ್ಧೆಯ ವೇಳೆ ತಮ್ಮ ಸ್ಟಾಲ್ ಇಡಲು ನೋಂದಣಿಗೆ ಮಾ.4 ಕೊನೆಯ ದಿನವಾಗಿದೆ.
ಹೆಚ್ಚಿನ ಮಾಹಿತಿಗಾಗಿ 9741209805 ಸಂಖ್ಯೆಯನ್ನು ಸಂಪರ್ಕಿಸುವಂತೆ ಇಶ್ನಾ ಪ್ಲೇ ಸ್ಕೂಲ್ ಆಡಳಿತ ಮಂಡಳಿ ತಿಳಿಸಿದೆ. | |
