ಅಂತರಾಷ್ಟ್ರೀಯ ಸಿಇಒ ಮ್ಯಾಗಝೀನ್ ಏಷ್ಯಾ ಸಂಚಿಕೆಯಲ್ಲಿ ಮಿಂಚಿದ ಕಾರ್ಕಳ ಆನಂದ ಶೆಟ್ಟಿ

ಕಾರ್ಕಳ ಮಾ.2: ಕಾರ್ಕಳ ತಾಲೂಕು ನಲ್ಲೂರು ಗ್ರಾಮದ ಆನಂದ ಶೆಟ್ಟಿ ಅವರಿಗೆ ಅಂತರಾಷ್ಟ್ರೀಯ ಸಿಇಒ ಮ್ಯಾಗಝೀನ್ ಏಷ್ಯಾ ವಿಭಾಗವು ಮಾರ್ಚ್ 2022ರ ಸಂಚಿಕೆಯಲ್ಲಿ ಸ್ಥಾನ ನೀಡಿ ಗೌರವಿಸಿದೆ.

ಇಂಡೋನೇಷ್ಯಾದ ನೊವೊ ನೊರ್ಡಿಸ್ಕ್ ಸಂಸ್ಥೆಯ ಮ್ಯಾನೇಜಿಂಗ್ ಡೈರಕ್ಟರ್ ಆಗಿರುವ ಆನಂದ ಶೆಟ್ಟಿ ಅವರು ಭುವನೇಂದ್ರ ಕಾಲೇಜಿನ ಹಳೇ ವಿದ್ಯಾರ್ಥಿಯಾಗಿದ್ದಾರೆ. ಆನಂದ ಶೆಟ್ಟಿ ಕಠಿಣ ಪರಿಶ್ರಮ, ಶ್ರದ್ಧೆ, ನಾಯಕತ್ವ, ಸಾಮಾಜಿಕ ಕಳಕಳಿ ಹಾಗೂ ತನ್ನ ಹುಟ್ಟೂರಿಗೆ ನೀಡಿದ ಕೊಡುಗೆಯನ್ನು ಗಮನಿಸಿ ಅಂತರಾಷ್ಟ್ರೀಯ ಸಿಇಒ ಮ್ಯಾಗಝೀನ್ ಏಷ್ಯಾ ವಿಭಾಗವು ಮಾರ್ಚ್ 2022ರ ಸಂಚಿಕೆಯಲ್ಲಿ ಸ್ಥಾನ ನೀಡಿ ಗೌರವ ನೀಡಿದೆ. ಕಳೆದ ವರ್ಷ ಕೊರೋನ ಸಂದರ್ಭ ಕಾರ್ಕಳಕ್ಕೆ 21 ಲಕ್ಷ ರೂ. ವೆಚ್ಚದಲ್ಲಿ 1,500 ಆಕ್ಸಿಮೀಟರ್ ಅನ್ನು ಕೊಡುಗೆಯಾಗಿ ನೀಡಿದ್ದರು.