ಲಕ್ಷಾಂತರ ರೂ. ನಗದು, ಚಿನ್ನಾಭರಣ ದೋಚಿ, ಅ್ಯಸಿಡ್‌ ಕುಡಿಸಿ ಅಕ್ಕಸಾಲಿಗನ ಹತ್ಯೆ
ಕಲಬುರಗಿ ಫೆ.25: ಚಿತ್ತಾಪುರ ತಾಲೂಕಿನ ರಾವೂರ್‌ ಕ್ರಾಸ್‌ ಬಳಿ ಅಕ್ಕಸಾಲಿಗನಿಂದ ಹಣ, ಚಿನ್ನಾಭರಣ ದೋಚಿ ಆತನಿಗೆ ಅ್ಯಸಿಡ್‌ ಕುಡಿಸಿ ರಾಡ್‌ನಿಂದ ಹೊಡೆದು ಬರ್ಬರ ಹತ್ಯೆಗೈದ ಘಟನೆ ನಡೆದಿದೆ.
ಕಲಬುರಗಿಯ ಶಹಬಜಾರ ಕಬಾಡ್‌ ಗಲ್ಲಿ ನಿವಾಸಿ ವಿಜಯಕುಮಾರ್‌ ಶಿಲವಂತ (38) ಹತ್ಯೆಯಾದವರು. ವಿಜಯ ಕುಮಾರ್‌ ಅವರು 6 ಲಕ್ಷ ರೂ ನಗದು ಹಣದೊಂದಿಗೆ ಚಿನ್ನಾಭರಣ ತರಲು ಹಲಕರ್ಟಿ ಗ್ರಾಮಕ್ಕೆ ಹೋಗುತ್ತಿದ್ದರು. ಈ ವೇಳೆ ಅಡ್ಡಗಟ್ಟಿದ ದುಷ್ಕರ್ಮಿಗಳು ಹಣ ಹಾಗೂ ಆತನ ಬಳಿಯಿದ್ದ ಚಿಕ್ಕಪುಟ್ಟ ಚಿನ್ನಾಭರಣ ದೋಚಿದ್ದಾರೆ. ಮಾತ್ರವಲ್ಲದೆ ವಿಜಯಕುಮಾರಗೆ ಅ್ಯಸಿಡ್‌ ಕುಡಿಸಿ ರಾಡ್‌ನಿಂದ ಹೊಡೆದು ಹತ್ಯೆಗೈದು ಪರಾರಿಯಾಗಿದ್ದಾರೆ. ಈ ಕುರಿತು ವಾಡಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
