ಉಡುಪಿ: ಸಿಮೆಂಟ್ ಮಾರಾಟ ಅಂಗಡಿ ಮಾಲಕನಿಗೆ ಕೊರೋನಾ ಸೋಂಕು ಪಾಸಿಟಿವ್

ಉಡುಪಿ: ಕನಕದಾಸ ರಸ್ತೆಯಲ್ಲಿರುವ ರಖಂ ಸಿಮೆಂಟ್ ದಾಸ್ತನು ಮಳಿಗೆಯ ಮಾಲಕರಿಗೆ ಕೊರೋನಾ ಪಾಸಿಟಿವ್ ಹಿನ್ನೆಲೆಯಲ್ಲಿ ಅಲ್ಲಿನ ಕಟ್ಟಡವನ್ನು ಸಂಪೂರ್ಣ ಸೀಲ್ ಡೌನ್ ಮಾಡಲಾಗಿದೆ.

ಕಳೆದ ಶನಿವಾರ ಇದೇ ಅಂಗಡಿಯ ಕಾರ್ಮಿಕನಿಗೆ ಕೊರೋನಾ ಪಾಸಿಟಿವ್ ದೃಢವಾಗಿತ್ತು, ಆ ಸಂದರ್ಭ ಅಂಗಡಿಯ ಮಾಲಕ ಕಟ್ಟಡವನ್ನು ಸೀಲ್ ಡೌನ್ ಮಾಡಲು ವಿರೋಧಿಸಿದ್ದರು ಎಂದು ಸ್ಥಳೀಯರು ದೂರಿದ್ದಾರೆ.

ಬುಧವಾರ ಸಿಮೆಂಟ್ ಅಂಗಡಿ ಮಾಲಕನಿಗೆ ಕೊರೋನಾ ಪಾಸಿಟಿವ್ ದೃಢವಾಗಿದ್ದು, ಆರೋಗ್ಯ ಇಲಾಖೆ ಸಿಬ್ಬಂದಿಗಳು ಪೊಲೀಸ್ ಸಹಕಾರದೊಂದಿಗೆ ಇಂದು ಇಡೀ ಕಟ್ಟಡ ಸೀಲ್ ಡೌನ್ ಮಾಡಿದ್ದಾರೆ.

ಶ್ರೀಕೃಷ್ಣ ಮಠದ ಬಿರ್ಲಾ ಛತ್ರದ ಸಿಬ್ಬಂದಿಗೂ ಪಾಸಿಟಿವ್ ದೃಢವಾಗಿದ್ದು, ರಾಜಾಂಗಣದ ಬಳಿ ಈ ಛತ್ರವನ್ನು ಕೂಡ ಸೀಲ್ ಡೌನ್ ಮಾಡಲಾಗಿದೆ.