ಉಡುಪಿ: ಖ್ಯಾತ ಪಾಕ ತಜ್ಞ ಎಚ್.ಪುಂಡಲೀಕ ಭಟ್ ನಿಧನ

ಉಡುಪಿ: ಗುಂಡಿಬೈಲು ನಿವಾಸಿ, ಖ್ಯಾತ ಪಾಕ ತಜ್ಞ, ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಹಿರಿಯ ಸ್ವಯಂಸೇವಕ ಎಚ್. ಪುಂಡಲೀಕ ಭಟ್ (76) ಅಲ್ಪಕಾಲದ ಅನಾರೋಗ್ಯದಿಂದ ಇಂದು ಬೆಳಿಗ್ಗೆ ನಿಧನ ಹೊಂದಿದ್ದಾರೆ.

ಇವರು ಕಳೆದ 5 ದಶಕಗಳಿಂದ “ಭಟ್ಜೀಸ್” ಎಂಬ ಕ್ಯಾಟರಿಂಗ್ ಸಂಸ್ಥೆಯನ್ನು ಪ್ರಾರಂಭಿಸಿದ್ದರು. ಕೊಡುಗೈ  ದಾನಿಯಾಗಿದ್ದ ಇವರು  ಹಲವಾರು ಬಡವರಿಗೆ ಉಚಿತವಾಗಿ ಅನ್ನದಾನದ ವ್ಯವಸ್ಥೆ ಮಾಡುತ್ತಿದ್ದರು. ಇವರು ಪತ್ನಿ 2 ಪುತ್ರರು ಮತ್ತು ಪುತ್ರಿಯನ್ನು ಅಗಲಿದ್ದಾರೆ.

ಇವರ ನಿಧನಕ್ಕೆ ಉಡುಪಿ ಶಾಸಕ ಕೆ. ರಘುಪತಿ ಭಟ್, ಉಡುಪಿ ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾದ ಕೆ. ರಾಘವೇಂದ್ರ ಕಿಣಿ ತೀವ್ರ ಸಂತಾಪ ವ್ಯಕ್ತಪಡಿಸಿದ್ದಾರೆ.