ಅಂಬಲಪಾಡಿ: ಯಾವುದೋ “ಶಕ್ತಿ”ಯ ಸಂಚಾರ ವದಂತಿ ಹಬ್ಬಿಸಿದ ಕಿಡಿಗೇಡಿಗಳು- ಗ್ರಾಮಸ್ಥರಲ್ಲಿ ಆತಂಕ

February 14, 2022

file photo

ಉಡುಪಿ ಫೆ.14(ಉಡುಪಿ ಟೈಮ್ಸ್ ವರದಿ): ಅಂಬಲಪಾಡಿ ಗ್ರಾಮದ ಒಂದು ಪರಿಸರಲ್ಲಿ ಯಾವುದೋ ಒಂದು ಶಕ್ತಿಯ ಸಂಚಾರದ ಗುಮಾನಿ ಬಗ್ಗೆ ಎದ್ದಿರುವ ವದಂತಿ ಸುದ್ದಿ ಸುಳ್ಳು ಸುದ್ದಿಯಾಗಿದ್ದು, ಯಾರೂ ಇದನ್ನು ನಂಬಬಾರದು ಎಂದು ಗ್ರಾಮಸ್ಥರು ಮಾಡಿಕೊಂಡಿದ್ದಾರೆ. ಈ ಬಗ್ಗೆ ಸ್ಪಷ್ಟನೆ ಇರುವ ಸಂದೇಶ ಸಾಮಾಜಿಕ ಜಾಲತಾಣದಲ್ಲಿ ಕೂಡ ಹರಿದಾಡುತ್ತಿದೆ.

ಶ್ರೀಬಬ್ಬುಸ್ವಾಮಿ ದೈವದ ದರುಶನ ಸೇವೆಯಲ್ಲಿ ವಿಚಾರಿಸಿದಾಗ ಗ್ರಾಮದ ಜನರಿಗೆ ಯಾವುದೇ ರೀತಿಯ ತೊಂದರೆಯಾಗದಂತೆ ನಾನಿದ್ದೇನೆ ಎನ್ನುವ ಅಭಯ ವಾಕ್ಯ ನೀಡಿದ್ದು, ಗ್ರಾಮಸ್ಥರು ಯಾವುದೇ ರೀತಿಯ ಆತಂಕ ಪಡುವ ಅಗತ್ಯವಿಲ್ಲ. ಯಾರೋ ಕಿಡಿಗೇಡಿಗಳು ಹಬ್ಬಿಸಿರುವ ಸುಳ್ಳು ವದಂತಿಗಳಿಗೆ ಕಿವಿಗೊಡದೆ ಗ್ರಾಮದಲ್ಲಿ ಯಾವುದೇ ಭಯವಿಲ್ಲದೆ, ಹಗಲು ಮತ್ತು ರಾತ್ರಿ ಮಾಮೂಲಿ ಸಮಯದಲ್ಲಿ ನಿರ್ಭೀತರಾಗಿ ಸಂಚರಿಸಲು ಯಾವುದೇ ರೀತಿಯ ತೊಂದರೆ ಇರುವುದಿಲ್ಲವೆಂದು ಸಾಮಾಜಿಕ ಜಾಲತಾಣದ ಮೂಲಕ ಸ್ಪಷ್ಟಪಡಿಸಿದ್ದಾರೆ.

ಅಂಬಲಪಾಡಿ ಗ್ರಾಮದ ಒಂದು ಪರಿಸರಲ್ಲಿ ಯಾವುದೋ ಒಂದು ಶಕ್ತಿಯ ಸಂಚಾರ ಮಾಡುತ್ತಿರುವ ಬಗ್ಗೆ ಸುದ್ದಿಯೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಡಿರುವುದರಿಂದ ಗ್ರಾಮಸ್ಥರು ಸಂಜೆ/ರಾತ್ರಿ ಸಮಯದಲ್ಲಿ ಓಡಾಡಲು ಹೆದರಿಕೊಂಡಿದ್ದಾರೆ. ಅಂಬಲಪಾಡಿ ಶ್ರೀಬಬ್ಬುಸ್ವಾಮಿ ದೈವಸ್ಥಾನದ (ಪಡುಪಾಲು) ವಾರ್ಷಿಕ ಹರಕೆ ಸೇವೆ ಸಂದರ್ಭದಲ್ಲಿ ಶ್ರೀಕೊರಗಜ್ಜ ದೈವದ ನುಡಿಗೆ ಸಂಬಂಧಿಸಿದಂತೆ ಗ್ರಾಮದ ಪ್ರಮುಖರು ಮತ್ತು ಹತ್ತು ಸಮಸ್ತರು ಸೇರಿ ಗ್ರಾಮ ದೇವರು ಹಾಗೂ ದೈವಸ್ಥಾನದಲ್ಲಿ ಪ್ರಾರ್ಥನೆಯನ್ನು ಸಲ್ಲಿಸಿರುತ್ತೇವೆ ಎಂದು ಹರಿದಾಡುತ್ತಿದೆ.

Leave a Reply

Your email address will not be published. Required fields are marked *

error: Content is protected !!