ಉಡುಪಿ: ಪುತ್ತೂರಿನಲ್ಲಿ ವ್ಯಕ್ತಿಗೆ ಐವರಿಂದ ಹಲ್ಲೆ
ಉಡುಪಿ ಫೆ.14(ಉಡುಪಿ ಟೈಮ್ಸ್ ವರದಿ): ಪುತ್ತೂರಿನ ಹನುಮಂತ ನಗರದ ದಿನೇಶ್ ಆಚಾರ್ಯ ಎಂಬವರ ಮೇಲೆ ಗುಂಪೊಂದು ಸೇರಿ ಹಲ್ಲೆ ನಡೆಸಿ ಜೀವಬೆದರಿಕೆ ಹಾಕಿರುವ ಕುರಿತು ಉಡುಪಿ ನಗರ ಠಾಣೆಯಲ್ಲಿ ದೂರು ದಾಖಲಾಗಿದೆ. ಘಟನೆಗೆ ಸಂಬಂಧಿಸಿದಂತೆ ದಿನೇಶ್ ಆಚಾರ್ಯ ಅವರು, ಸಚಿನ್‌, ನಿಧಿನ್‌, ರಾಕೇಶ್‌ ಯಾನೆ ಮುನ್ನಾ, ಶೈಲೇಶ್‌ ಆಚಾರ್ಯ, ನಿಲೇಶ್‌ ಆಚಾರ್ಯ ಹಾಗೂ ಇತರ ವಿರುದ್ಧ ದೂರು ನೀಡಿದ್ದಾರೆ.
ನಿನ್ನ ದಿನೇಶ್ ಆಚಾರ್ಯ ಅವರು ಹನುಮಂತ ನಗರ ಸಹೋದರ ಯುವಕ ಮಂಡಲದ ಬಳಿ ನಿಂತಿದ್ದ ವೇಳೆ ಈ ಐದು ಮಂದಿ ಇತರರೊಂದಿಗೆ ಸೇರಿ ಅವಾಚ್ಯ ಶಬ್ದಗಳಿಂದ ಬೈದಿದ್ದು ಮಾತ್ರವಲ್ಲದೆ ಹಲ್ಲೆ ನಡೆಸಿ ಜೀವ ಬೆದರಿಕೆ ಹಾಕಿರುವುದಾಗಿ ನೀಡಿರುವ ದೂರಿನಂತೆ ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
