ಆರು ಜನರಿಗೋಸ್ಕರ ನಮ್ಮ ಭವಿಷ್ಯ ಹಾಳಾಗುತ್ತಿದೆ ಕಾಲೇಜು ಪ್ರಾರಂಭಿಸಿ- ವಿದ್ಯಾರ್ಥಿನಿ ಮನವಿ

ಉಡುಪಿ ಫೆ.14(ಉಡುಪಿ ಟೈಮ್ಸ್ ವರದಿ): ಇಂದು ಜಿಲ್ಲೆಯಲ್ಲಿ ಶಾಲಾ ಕಾಲೇಜು ಆರಂಭಗೊಂಡಿರುವ ಹಿನ್ನೆಲೆ ಯಲ್ಲಿ ಹಿಜಾಬ್ ವಿವಾದದ ಬಿಸಿಯ ನಡುವಲ್ಲೇ ವಿದ್ಯಾರ್ಥಿಗಳು ಶಾಲೆಗೆ ಹಾಜರಾಗಿದ್ದಾರೆ.

ಉಡುಪಿಯ ಸರಕಾರಿ ಕಾಲೇಜಿನಲ್ಲಿ ಈ ಹಿಜಾಬ್ ವಿವಾದ ಆರಂಭಗೊಂಡಿರುವ ಕಾರಣ ಕಾಲೇಜು ಆವರಣದಲ್ಲಿ ಇಂದು ಬಿಗುವಿನ ವಾತಾರಣ ಕಂಡುಬಂದಿದೆ. ಇಂದು ಉಡುಪಿಯ ಸರಕಾರಿ ಬಾಲಕೀಯರ ಪದವಿ ಪೂರ್ವಕಾಲೇಜಿಗೆ ಹಾಜರಾದ ದ್ವಿತೀಯ ಪಿಯು ವಿದ್ಯಾರ್ಥಿನಿ ಶಿಲ್ಪಾ ಆಚಾರಿ ವಿವಾದಕ್ಕೆ ಸಂಬಂಧಿಸಿ ಪ್ರತಿಕ್ರಿಯೆ ನೀಡಿ, ಈ ವಿವಾದ, ಗಲಾಟೆಗಳು ಆದಷ್ಟು ಬೇಗ ಅಂತ್ಯಗೊಂಡು‌ ಶಾಲೆ ಕಾಲೇಜುಗಳಲ್ಲಿ ಎಲ್ಲರೂ ಒಟ್ಟಿಗೆ ಕುಳಿತು ಪಾಠ ಕೇಳುವಂತಾಗಬೇಕು‌ ಎಂದು ಕಾಲೇಜಿಗೆ ಬಂದು ಮನವಿ ಮಾಡಿ ಮಾಧ್ಯಮ ಜೊತೆ ಮಾಡಿದ್ದಾಳೆ.

ಹಾಗೂ ಇದೇ ವೇಳೆ 6 ವಿದ್ಯಾರ್ಥಿಗಳ‌ ತಾಳಕ್ಕೆ ಕುಣಿದು ಇಡೀ ಕಾಲೇಜಿನ ವಿದ್ಯಾರ್ಥಿಗಳ ಭವಿಷ್ಯ ಹಾಳು ಮಾಡಲು ಸಾಧ್ಯವಿಲ್ಲ ಎಂದ ವಿದ್ಯಾರ್ಥಿನಿ, ಫಸ್ಟ್ ಇಯರ್ ನಿಂದ ಹಿಜಾಬ್ ಹಾಕಿದ್ದೇವೆ ಅಂತಾರೆ. ಆದರೆ ಫಸ್ಟ್ ಇಯರ್ ನಲ್ಲಿ ಆನ್ಲೈನ್ ಕ್ಲಾಸ್ ಗಳು ನಡೆದಿರುವುದರಿಂದ ಯಾವುದೇ ಕ್ಲಾಸ್ ನಡೆದಿಲ್ಲ. ಆನ್ಲೈನ್ ಕ್ಲಾಸ್ ಆಗಿದ್ದ ಕಾರಣ 3 ತಿಂಗಳು ಮಾತ್ರ ಕ್ಲಾಸ್ ಇತ್ತು ಆಗೆಲ್ಲಾ ಅವರು ಹಿಜಾಬ್ ಹಾಕಿ ಬರುತ್ತಿರಲಿಲ್ಲ ಎಂದಿದ್ದಾರೆ.

ಇನ್ನು ಈ ಗಲಾಟೆ ಡಿಸೆಂಬರ್ ನಿಂದ ಆರಂಭವಾಗಿದ್ದು ಅದಕ್ಕೂ ಮೊದಲು ಕಾಲೇಜಿನಲ್ಲಿ ಉರ್ದು, ಬ್ಯಾರಿ ಭಾಷೆ ಮಾತನಾಡಲು‌ ಬಿಡುತ್ತಿಲ್ಲ ಎಂದು ನಮ್ಮ ಬಳಿ ಗಲಾಟೆ ಮಾಡುತ್ತಿದ್ದರು. ಕಾಲೇಜಿನಲ್ಲಿ ಯಾವುದೇ ಭಾಷೆಗೆ ಸಂಬಂಧಿಸಿ ಮಾತನಾಡಲು ಅಡ್ಡಿಪಡಿಸುತ್ತಿಲ್ಲ ಸುಮ್ಮನೆ ಸುಳ್ಳು ಸುದ್ದಿ ಮಾಡಬೇಡಿ ಎಂದಾಗ ಆ ವಿಚಾರ ಅಲ್ಲಿಗೇ ನಿಂತಿತ್ತು. ಆ ಬಳಿಕ ಡಿಸೆಂಬರ್ ವೇಳೆಗೆ ಹಿಜಾಬ್ ವಿಚಾರ ಆರಂಭಗೊಂಡಿತ್ತು ಎಂದು ವಿದ್ಯಾರ್ಥಿನಿ‌ ಹೇಳಿದ್ದಾರೆ.