| ಜೈಪುರ ಜ.31: ಜೋದ್ ಪುರದಲ್ಲಿ ಮಾಡಲ್ ಆಗಿ ಗುರುತಿಸಿಕೊಂಡಿದ್ದ ಗುಂಗುನ್ ಉಪಾಧ್ಯಾಯ ಎಂಬ ಯುವತಿ ಹೋಟೆಲ್ ಟೆರೇಸ್‍ನಿಂದ ಜಿಗಿದು ಆತ್ಮಹತ್ಯೆಗೆ ಯತ್ನಿಸಿರುವ ಘಟನೆ ರಾಜಸ್ಥಾನದ ಜೋಧ್‍ಪುರ ದಲ್ಲಿ ನಡೆದಿದೆ.
ಜೋಧ್‍ಪುರ ನಗರದ ನಿವಾಸಿ ಗುಂಗುನ್ ಉಪಾಧ್ಯಾಯ ಅವರು ಉದಯಪುರದಿಂದ ಜೋಧ್‍ಪುರಕ್ಕೆ ಆಗಮಿಸಿದ ದಿನವೇ ರಾತ್ರಿ ಜೋಧ್‍ಪುರದ ರತನಾಡ ಪ್ರದೇಶದ ಹೋಟೆಲ್ ಲಾಡ್ರ್ಸ್ ಇನ್‍ನ ಆರನೇ ಮಹಡಿಯಿಂದ ಜಿಗಿದು ಆತ್ಮಹತ್ಯೆ ಗೆ ಯತ್ನಿಸಿದ್ದಾರೆ. ಟೆರೇಸ್ ಮೇಲಿನಿಂದ ಜಿಗಿಯುವ ಮುನ್ನ, ಗುಂಗುನ್ ತಂದೆಗೆ ಕರೆ ಮಾಡಿ ತಾನು ಆತ್ಮಹತ್ಯೆ ಮಾಡಿಕೊಳ್ಳುವು ದಾಗಿ ತಿಳಿಸಿ, ತನ್ನನ್ನು ಕೊನೆಯದಾಗಿ ನೋಡುವಂತೆ ಮುಖವನ್ನು ತೋರಿಸಿದ್ದಾರೆ. ಈ ವೇಳೆ ಗುಂಗುನ್ ಅವರ ತಂದೆ ಗಣೇಶ್ ಉಪಾಧ್ಯಾಯ ಅವರು ಕೂಡಲೇ ಪೊಲೀಸರಿಗೆ ಕಡೆ ಮಾಡಿ ಮಾಹಿತಿ ನೀಡಿದ್ದಾರೆ. ನಂತರ ಗುಂಗುನ್ ಇರುವ ಸ್ಥಳ ಪತ್ತೆ ಹಚ್ಚಿದ ಪೊಲೀಸರು ಸ್ಥಳಕ್ಕೆ ಹೋಗುವ ಮುನ್ನವೇ ಅವರು ಹೋಟೆಲ್‍ನ ಆರನೇ ಮಹಡಿಯಿಂದ ಜಿಗಿದಿದ್ದಾರೆ ಎನ್ನಲಾಗಿದೆ.
ತಕ್ಷಣ ಅವರನ್ನು ಆಸ್ಪತ್ರೆಗೆ ದಾಖಲಿಸಿದ್ದು, 6ನೇ ಮಹಡಿಯಿಂದ ಜಿಗಿದ ಕಾರಣ ಗುಂಗುನ್ ಅವರ ಕಾಲು ಮತ್ತು ಎದೆ ಮುರಿದು ಹೋಗಿದ್ದು ಸಾಕಷ್ಟು ರಕ್ತಸ್ರಾವವಾಗಿದೆ. ಸದ್ಯ ಗುಂಗುನ್ ಅವರ ಸ್ಥಿತಿ ಗಂಭೀರ ವಾಗಿದೆ ಎನ್ನಲಾಗಿದೆ. ಗುಂಗುನ್ ಅವರು ಆತ್ಮಹತ್ಯೆ ಯತ್ನಿಸಲು ಕಾರಣವೇನೆಂದು ತಿಳಿದು ಬಂದಿಲ್ಲ. ಅವರಿಗೆ ಪ್ರಜ್ಞೆ ಬಂದ ನಂತರವಷ್ಟೇ ಸತ್ಯ ಬಹಿರಂಗವಾಗಲಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. | |
