ಕೆಮ್ಮಣ್ಣು: ಅಂಬೇಡ್ಕರ್ ಯುವ ಸೇನೆ ವತಿಯಿಂದ ಶ್ರಮದಾನ
ಕೆಮ್ಮಣ್ಣು: ಅಂಬೇಡ್ಕರ್ ಯುವ ಸೇನೆ, ಪಡುಕುದ್ರು – ಕೆಮ್ಮಣ್ಣು ಇವರ ವತಿಯಿಂದ, ಪಡುಕುದ್ರು – ತಿಮ್ಮನಕುದ್ರು ಸಂಪರ್ಕ ರಸ್ತೆಯ ಎರಡೂ ಬದಿಗಳಲ್ಲಿ ಬೆಳೆದ ಗಿಡ ಗಂಟಿಗಳನ್ನು ತೆಗೆಯುವ ಕೆಲಸವನ್ನು ಶ್ರಮದಾನಾದ ಮೂಲಕ ಹಮ್ಮಿಕೊಳ್ಳಲಾಯಿತು.
ಸುಮಾರು ಎರಡು ಕಿಮೀ ಉದ್ದವಿರುವ ಈ ರಸ್ತೆಯ ಎರಡೂ ಬದಿಗಳಲ್ಲಿ ಬೆಳೆದಿರುವ ಹುಲ್ಲು ಮತ್ತು ಗಿಡಗಳಿಂದ ಸಾರ್ವಜನಿಕರಿಗೆ ಹಾಗೂ ವಾಹನ ಸಂಚಾರಕ್ಕೆ ಅಡ್ಡಿ ಉಂಟು ಆಗುತಿತ್ತು.
ಈ ಸಮಾಜಮುಖಿ ಕಾರ್ಯವನ್ನು ಅಂಬೇಡ್ಕರ್ ಯುವ ಸೇನೆಯ ಅಧ್ಯಕ್ಷರಾದ ರಾಜೇಶ್ ಅವರ ನೇತ್ರತ್ವದಲ್ಲಿ ಹಮ್ಮಿಕೊಳ್ಳಲಾಯಿತು. ಸಂಘದ ಇಪ್ಪತ್ತಕ್ಕೂ ಹೆಚ್ಚಿನ ಸದಸ್ಯರು ಹಾಜರಿದ್ದು, ಶ್ರಮದಾನ ಕಾರ್ಯಕ್ರಮದಲ್ಲಿ ಸಕ್ರಿಯವಾಗಿ ಪಾಲುಗೊಂಡರು.
ಶ್ರಮದಾನ ಕಾರ್ಯಕ್ರಮದ ಸಂಧರ್ಬದಲ್ಲಿ – ಸುಧಾ, ಉದಯ, ರಾಮ್‌ದಾಸ್, ರಿತೇಶ್, ಜಯಕರ, ಕಾನ್ತು, ಹರಿದಾಸ್, ರಮೇಶ್, ರಾಕೇಶ್, ಅವಿನಾಶ್, ಸುಹಾಸ್, ಕೃಷ್ಣ, ನಿಖಿಲ್, ಕೌಶಿಕ್, ಪ್ರತೀಕ್, ರವಿ, ನಟರಾಜ್, ಶಿವರಾಮ, ಸಂತು, ಪ್ರಜ್ವಲ್, ಅಶೋಕ್ ಮತ್ತಿತರರು ಪಾಲುಗೊಂಡರು.
ಅಂಬೇಡ್ಕರ್ ಯುವ ಸೇನೆ, ಪಡುಕುದ್ರು ರವರ ಈ ಸಮಾಜಮುಖಿ ಕಾರ್ಯಕ್ರಮ ದಿಂದ ಸ್ಥಳೀಯರಿಗೆ ಉಪಕಾರವಾಗಿದ್ದು, ಇನ್ನೂ ಇಂತಹ ಒಳ್ಳೆಯ ಕಾರ್ಯಗಳಿಗೆ ಕೈ ಹಾಕಲಿ ಎಂದು ಶುಭ ಹಾರೈಸಿದರು.
