ಶಿರ್ವ: ಕುಡಿದ ಮತ್ತಿನಲ್ಲಿ ಸ್ನೇಹಿತನ ಕೊಲೆ, ಮೃತ ದೇಹ ಸುಡಲು ಯತ್ನ!
ಶಿರ್ವ: ಸ್ನೇಹಿತನೊರ್ವನನ್ನು ಕುಡಿದ ಮತ್ತಿನಲ್ಲಿ ಕೊಂದು ಸುಡಲು ಯತ್ನಿಸಿದ ಘಟನೆ ನಡೆದಿದೆ.
ಕಳೆದ ಎರಡು ದಿನಗಳಿಂದ ಎರ್ಮಾಳಿನ ಹೇಮಂತ್ ಪೂಜಾರಿ( 45) ತನ್ನ ಸ್ನೇಹಿತನ ಮನೆಯಾದ ಕಳತ್ತೂರಿನ ಪುಂಜಾಲ್‌ಕಟ್ಟೆಯ ಅಲ್ಬರ್ಟ್(50) ಮನೆಗೆ ಹೋಗಿದ್ದ.
ಇವರಿಬ್ಬರು ಹಲವಾರು ವರ್ಷಗಳಿಂದ ಸ್ನೇಹಿತರಾಗಿದ್ದು, ಹೇಮಂತ್ ಬುಧವಾರ ಆಲ್ಬರ್ಟ್ ಮನೆಗೆ ಹೋಗಿದ್ದರು. ಇಬ್ಬರು ಒಟ್ಟಿಗೆ ಕುಡಿಯುತ್ತಿರುವ ಸಂದರ್ಭ ಇಬ್ಬರ ನಡುವೆ ಯಾವುದೋ ಕ್ಷುಲ್ಲಕ ವಿಷಕ್ಕೆ ಜಗಳವಾಗಿದ್ದು, ಇದೇ ಸಿಟ್ಟಿನಲ್ಲಿ ಆರೋಪಿ ಅಲ್ಬರ್ಟ್ ಸ್ನೇಹಿತನನ್ನು ಕೊಂದಿದ್ದಾನೆಂದು ತಿಳಿದು ಬಂದಿದೆ.
ಕೊಲೆ ನಡೆದ ನಂತರ ಆರೋಪಿಯು ಮೃತ ದೇಹ ಸುಡಲು ಪ್ರಯತ್ನಿಸಿದ್ದ.
ಸ್ಥಳಕ್ಕೆ ಕಾಪು ವೃತ್ತ ನಿರೀಕ್ಷಕ ಮಹೇಶ ಪ್ರಸಾದ್ , ಶಿರ್ವ ಠಾಣಾಧಿಕಾರಿ ಭೇಟಿ ನೀಡಿ ಪರಿಶೀಲಿಸುತ್ತಿದ್ದಾರೆ.
