ಉಡುಪಿ: ಇನ್ನೊಂದು ಹೊಟೇಲ್ ಸೀಲ್ ಡೌನ್

ಉಡುಪಿ:(ಉಡುಪಿ ಟೈಮ್ಸ್ ವರದಿ) ನಗರದ ಹಳೆ ತಾಲೂಕು ಕಛೇರಿಯ ಬಳಿಯ ಹೊಟೇಲ್‌ನ ಬಾಣಸಿಗನಿಗೆ ಕೊರೋನಾ ಸೋಂಕು ಪಾಸಿಟಿವ್ ಬಂದ ಹಿನ್ನೆಲೆಯಲ್ಲಿ ಹೊಟೇಲ್ ಸೀಲ್ ಡೌನ್ ಮಾಡಲಾಗಿದೆ. ಮಾತ್ರವಲ್ಲದೆ ಹೊಟೇಲ್ ಬಳಿಯ ಟೈಲರಿಂಗ್ ಅಂಗಡಿ, ಬಾರ್ ಮತ್ತು ವಕೀಲರ ಕಛೇರಿ ಸೀಲ್ ಡೌನ್ ಮಾಡಲಾಗಿದೆ.

ಅಜ್ಜರಕಾಡಿನ 42 ವರ್ಷ ಗಂಡಸು, ಅಂಬಾಗಿಲು ಸಂತೆಕಟ್ಟೆಯ 33 ವರ್ಷ ಗಂಡಸು ಮತ್ತು ಪುತ್ತೂರು ದೇವಸ್ಥಾನ ಬಳಿಯ 59 ವರ್ಷದ ವ್ಯಕ್ತಿಗೆ ಕೊರೋನಾ ಪಾಸಿಟಿವ್ ಬಂದ ಹಿನ್ನೆಲೆಯಲ್ಲಿ ಅವರ ಮನೆಗಳನ್ನು ಸೀಲ್ ಡೌನ್ ಮಾಡಲಾಗಿದೆ.