ಕಾರ್ಕಳ: ನಟ ಪುನೀತ್ ರಾಜ್ ಕುಮಾರ್ ಅಭಿಮಾನಿ ನಾಪತ್ತೆ

ಕಾರ್ಕಳ ನ.2 (ಉಡುಪಿ ಟೈಮ್ಸ್ ವರದಿ): ಅ.29 ರಂದು ಟಿವಿಯಲ್ಲಿ ನಟ ಪುನೀತ್ ರಾಜ್ ಕುಮಾರ್ ಅವರ ನಿಧನದ ಸುದ್ದಿ ನೋಡುತ್ತಿದ್ದ ವ್ಯಕ್ತಿಯೊಬ್ಬರು ಮನೆಯಲ್ಲಿ ಯಾರಿಗೂ ಹೇಳದೆ ಮನೆಯಿಂದ ಹೊರ ಹೋಗಿ ನಾಪತ್ತೆಯಾಗಿರುವ ಘಟನೆ ಕಾರ್ಕಳದಲ್ಲಿ ನಡೆದಿದೆ.

ದಿನೇಶ (56) ನಾಪತ್ತೆಯಾದವರು. ಅವರು, ಅ.29 ರಂದು ಎಂದಿನಂತೆ ತಾವು ಕೆಲಸ ಮಾಡುತ್ತಿದ್ದ ಲಾಡ್ಜ್ ಗೆ ತೆರಳಿ ಮಧ್ಯಾಹ್ನದ ವೇಳೆ ಮನೆಗೆ ಬಂದಿದ್ದರು. ಮನೆಯಲ್ಲಿ ಮಧ್ಯಾಹ್ನ 1.30 ರ ವೇಳೆಗೆ ಟಿವಿಯಲ್ಲಿ ಪುನಿತ್ ರಾಜ್ ಕುಮಾರ್ ಅವರ ನಿಧನ ಸುದ್ದಿ ತಿಳಿದು ಮನೆಯಲ್ಲಿ ಹೇಳದೇ ಹೊರಗೆ ಹೋಗಿದ್ದರು. ಮನೆಯಲ್ಲಿ ದಿನೇಶ ಅವರು ಲಾಡ್ಜ್ ನ ಕೆಲಸಕ್ಕೆ ಹೋಗಿರಬಹುದೆಂದು ತಿಳಿದಿದ್ದರು.ಆದರೆ ದಿನೇಶ ಅವರು ಈವರೆಗೂ ವಾಪಾಸು ಬಂದಿರುವುದಿಲ್ಲ ಎಂಬುದಾಗಿ ದಿನೇಶ ಅವರ ಪತ್ನಿ ನೀಡಿದ ದೂರಿನಂತೆ ಕಾರ್ಕಳ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.