ಪಡುಬಿದ್ರೆ: ಬೈಕಿಗೆ ಮೀನಿನ ಲಾರಿ ಡಿಕ್ಕಿ- ಸವಾರನ ದಾರುಣ ಸಾವು

ಪಡುಬಿದ್ರೆ, ನ. 01: ರವಿವಾರ ರಾತ್ರಿ ಬೈಕಿಗೆ ಮೀನಿನ ಲಾರಿ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರ ಮೃತಪಟ್ಟ ಘಟನೆ ಉಚ್ಚಿಲ ರಾಷ್ಟ್ರೀಯಲ್ಲಿ ನಡೆದಿದೆ.

ಮೃತ ಬೈಕ್ ಸವಾರರನ್ನು ಎಲ್ಲೂರಿನ ಶ್ರೀಧರ ಆಚಾರ್ಯ(49) ಎಂದು ತಿಳಿದುಬಂದಿದೆ. ಅವರು ಕೆಲಸ ಮುಗಿಸಿ ಪಣಿಯೂರು ರಸ್ತೆಗೆ ಬರುತ್ತಿರುವಾಗ ಅತೀ ವೇಗ ಮತ್ತು ಅಜಾಗರೂಕತೆಯಿಂದ ಮೀನಿನ ಲಾರಿ ಚಾಲಕ ಡಿಕ್ಕಿ ಹೊಡೆದಿದ್ದು, ಅವರು ತೀವ್ರ ಗಾಯಗೊಂಡಿದ್ದರು.

ತಕ್ಷಣ ಸ್ಥಳೀಯರು ಗಾಯಗೊಂಡ ಶ್ರೀಧರ ಆಚಾರ್ಯರವರನ್ನು ಮಣಿಪಾಲ ಆಸ್ಪತ್ರೆಗೆ ಸಾಗಿಸಿದ್ದಾರಾದರೂ, ಅವರು ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ. ಪಡುಬಿದ್ರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.