ಉಡುಪಿ: ಎಸ್ಪಿ ಕಛೇರಿ, ಕೆಎಂಸಿ ಸಿಬಂದಿ, ಕಾಪು ಠಾಣಾ ಎಎಸೈಗೆ ಪಾಸಿಟಿವ್
ಉಡುಪಿ: ಎಸ್ಪಿ ಕಛೇರಿಯ ಕಡತ ವಿಭಾಗದ ಸಿಬಂದಿಗೆ, ಕೋಟದಿಂದ ಕಾಪು ಠಾಣೆಗೆ ದಿನನಿತ್ಯ ಬಸ್‌ನಲ್ಲಿ ಪ್ರಯಾಣಿಸುತ್ತಿದ್ದ ಎಎಸೈ, ಮತ್ತು ಮಣಿಪಾಲ ಆಸ್ಪತ್ರೆಯ ಸ್ವಚ್ಚತಾ ಸಿಬಂದಿಗೆ ಇಂದು ಪಾಸಿಟಿವ್ ಧೃಢಪಟ್ಟಿದೆ. ಜಿಲ್ಲೆಯಲ್ಲಿ ಇಂದು 90 ಮಂದಿಗೆ ಕೊರೊನಾ ಸೋಂಕು ದೃಡಗೊಂಡಿದೆ. ಈ ಮೂಲಕ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 1567 ಕ್ಕೆ ಏರಿಕೆಯಾಗಿದೆ.
ಜಿಲ್ಲೆಯಲ್ಲಿ ಸೋಂಕಿಗೆ ಚಿಕಿತ್ಸೆ ಪಡೆದು ಗುಣಮುಖರಾದ 21 ಮಂದಿ ಇಂದು ವಿವಿಧ ಆಸ್ಪತ್ರೆಗಳಿಂದ ಬಿಡುಗಡೆ ಗೊಂಡಿದ್ದಾರೆ. ಇವರಲ್ಲಿ ಉಡುಪಿ ಡಾ.ಟಿಎಂಎ ಪೈ ಆಸ್ಪತ್ರೆಯಿಂದ ಎಂಟು ಮಂದಿ, ಕಾರ್ಕಳದಿಂದ 11 ಮಂದಿ ಹಾಗೂ ಕುಂದಾಪುರದಿಂದ ಇಬ್ಬರು ಸೇರಿದ್ದಾರೆ. ಇದರಿಂದ ಜಿಲ್ಲೆಯಲ್ಲಿ ಈವರೆಗೆ ಸೋಂಕಿನಿಂದ ಗುಣಮುಖರಾಗಿ ಬಿಡುಗಡೆಗೊಂಡವು ಸಂಖ್ಯೆ 1245 ಕ್ಕೇರಿದೆ. ಈಗಾಗಲೇ ಪಾಸಿಟಿವ್ ಬಂದ 319 ಮಂದಿ ಜಿಲ್ಲೆಯಲ್ಲಿ ಇನ್ನೂ ಕೊರೋನ ಸೋಂಕಿಗೆ ಚಿಕಿತ್ಸೆ ಪಡೆಯುತ್ತಿದ್ದಾರೆ.
