ಉಡುಪಿ: ವಾಟ್ಸ್ಆಪ್ ಸಂದೇಶ ಕಳುಹಿಸಿ ಎಂಎಸ್‌ಐಎಲ್ ಉದ್ಯೋಗಿ ಆತ್ಮಹತ್ಯೆ
ಉಡುಪಿ: ಎಂಎಸ್‌ಐಎಲ್ ಉದ್ಯೋಗಿಯೊರ್ವರು ಜೀವನದಲ್ಲಿ ಜಿಗುಪ್ಸೆಗೊಂಡು ತನ್ನ ಸ್ನೇಹಿತರ ವಾಟ್ಸ್ ಆಪ್ ಗ್ರೂಪ್‌ಗೆ ಸಂದೇಶ ಕಳುಹಿಸಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಬೆಳ್ಳಂಪಳ್ಳಿ ಸೇತುವೆ ಬಳಿ ನಡೆದಿದೆ.
ಮೃತ ವ್ಯಕ್ತಿ ಪರ್ಕಳ ನಿವಾಸಿ ಅಂಬರೀಶ್ ಶೆಟ್ಟಿಗಾರ್ (40) ಜೂನ್ 21 ರಂದು ಆತ್ಮಹತ್ಯೆ ಮಾಡಿಕೊಳ್ಳುವ ಬಗ್ಗೆ ಪತ್ರ ಬರೆದಿದ್ದು, ಅದನ್ನು ಜುಲೈ7 ರಂದು ತಡ ರಾತ್ರಿ 2 ಗಂಟೆಗೆ ಸ್ನೇಹಿತರ ವಾಟ್ಸ್ ಆಪ್ ಗ್ರೂಪ್ ಕಳುಹಿಸಿ, ಬೈಕ್, ಹೆಲ್ಮೇಟ್, ಪಾದರಕ್ಷೆ ಇಟ್ಟು ಬೆಳ್ಳಂಪಳ್ಳಿ ಸೇತುವೆಯಿಂದ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಮೃತರು ಗುಂಡಿಬೈಲ್ ಬಳಿ ಇರುವ ಎಂ.ಆರ್.ಪಿ. ಮದ್ಯ ಮಾರಾಟದ ಉದ್ಯೋಗಿಯಾಗಿದ್ದು, ಸರಳ ಸ್ವಭಾವದವರಾಗಿದ್ದು, ಆತ್ಮಹತ್ಯೆಗೆ ಸ್ಪಷ್ಟ ಕಾರಣ ತಿಳಿದು ಬಂದಿಲ್ಲ. ಇಂದು ಮೃತ ದೇಹ ಅಮ್ಮುಂಜೆ ಹೊಳೆಯಲ್ಲಿ ಪತ್ತೆಯಾಗಿದೆ. ಮೃತರು ಪತ್ನಿ, ಓರ್ವ ಪುತ್ರಿಯನ್ನು ಅಗಲಿದ್ದಾರೆ.
