ಕಾರ್ಕಳ: ಸ್ಕೂಟಿಯಲ್ಲಿ ಹಾಲು ಕೊಂಡೊಯ್ಯುತ್ತಿದ್ದ ಯುವತಿಗೆ ಕಾರು ಡಿಕ್ಕಿ

ಕಾರ್ಕಳ: ಇಂದು ಬೆಳಿಗ್ಗೆ ಕಾರು ಮತ್ತು ಸ್ಕೂಟಿ ನಡುವೆ ಭೀಕರ ಅಪಘಾತ ಸಂಭವಿಸಿದ್ದು, ಸವಾರೆ ಗಂಭೀರ ಗಾಯಗೊಂಡ ಘಟನೆ ಕಾರ್ಕಳ ಜೋಡುಕಟ್ಟೆ ಬಳಿ ನಡೆದಿದೆ.

ಸವಾರೆ ಮೀಯರು ಕಂಬಳ ಬಳಿಯ ನಿವಾಸಿ ಸುನಿತಾ ಡಿಸೋಜ ಸ್ಕೂಟಿಯಲ್ಲಿ ಹಾಲು ಕೊಂಡೊಯ್ಯುತ್ತಿದ್ದ ಸಂದರ್ಭ ಕಾರು ಚಾಲಕ ಜೈಶ್ಅಂತೋನಿ ಕಾರ್ಕಳ ಬಜಗೋಳಿ ಮಾರ್ಗವಾಗಿ ಅತೀ ವೇಗವಾಗಿ ಬಂದು ಡಿಕ್ಕಿ ಹೊಡೆದ ಎನ್ನಲಾಗಿದೆ,

ಘಟನೆಯಲ್ಲಿ ಯುವತಿ ಗಂಭೀರ ಗಾಯಗೊಂಡಿದ್ದು, ಸ್ಥಳೀಯರು ಆಕೆಯನ್ನು ಮಂಗಳೂರು ಆಸ್ಪತ್ರೆಗೆ ಸಾಗಿಸಿದ್ದಾರೆ.