ಗಂಗೊಳ್ಳಿ: ಈಜಲು ಹೋಗಿದ್ದ ಯುವಕ ನಾಪತ್ತೆ

ಗಂಗೊಳ್ಳಿ ಸೆ.20: ನದಿಯ ನೀರಿನಲ್ಲಿ ಈಜಲು ಹೋಗಿದ್ದ ಯುವಕ ನೀರಿನಲ್ಲಿ ಮುಳುಗಿ ನಾಪತ್ತೆಯಾಗಿರುವ ಘಟನೆ ಗಂಗೊಳ್ಳಿಯ ಸೌಪರ್ಣಿಕ ನದಿಯಲ್ಲಿ ನಡೆದಿದೆ.
ಮಹೇಂದ್ರ(24) ನಾಪತ್ತೆಯಾಗಿರುವ ಯುವಕ. ಇವರು ತಮ್ಮ ಸ್ನೇಹಿತರಾದ ಆಶಿಕ್ ಮತ್ತು ಶರತ್ ಎಂಬವರೊಂದಿಗೆ ಸೆ.19 ರಂದು ನದಿಯಲ್ಲಿ ಈಜಲು ಹೋಗಿದ್ದರು. ಮೂವರು ಯುವಕರ ಪೈಕಿ ಆಶಿಕ್ ಹಾಗೂ ಮಹೇಂದ್ರ ರವರು ನೀರಿಗೆ ಈಜಲು ಇಳಿದಿದ್ದಾರೆ. ನೀರಿನಲ್ಲಿ ಈಜುತ್ತಿದ್ದ ವೇಳೆ ಮಹೇಂದ್ರ ನೀರಿನ ರಭಸಕ್ಕೆ ಸಿಲುಕಿ ಕೊಚ್ಚಿಕೊಂಡು ಹೋಗಿದ್ದು ಈ ವರೆಗೆ ಪತ್ತೆಯಾಗಿಲ್ಲ ಎಂದು ಮಹೇಂದ್ರ ಅವರ ಅಕ್ಕ ಶೈಲಾ ಅವರು ನೀಡಿದ ದೂರಿನಂತೆ ಗಂಗೊಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.