ಉಡುಪಿ: ಹೊಯ್ಸಳ ಚಾಲಕ, ಸೇಲ್ಸ್ ಮ್ಯಾನ್, ದಂಪತಿಗಳ ಸಹಿತ 31 ಕೊರೋನಾ ಪಾಸಿಟಿವ್
ಉಡುಪಿ : ಜಿಲ್ಲೆಯಲ್ಲಿ ಇಂದು 31 ಮಂದಿಯಲ್ಲಿ ಕೊರೋನಾ ಪಾಸಿಟಿವ್ ದೃಢಪಟ್ಟಿದ್ದು ಇದರೊಂದಿಗೆ ಜಿಲ್ಲೆಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 1421ಕ್ಕೆ ಏರಿಕೆಯಾಗಿದೆ.
ಜಿಲ್ಲೆಯಲ್ಲಿ ಇದುವರೆಗೆ 20493 ಗಂಟಲು ದ್ರವ ಪರೀಕ್ಷೆ ನಡೆಸಿದ್ದು, ಅದರಲ್ಲಿ 1421 ವರದಿ ಪಾಸಿಟಿವ್ ಆಗಿದೆ. 15992 ವರದಿಗಳು ನೆಗೆಟವ್ ಬಂದಿದ್ದು, ಇನ್ನೂ 3080 ವರದಿಗಳ ಫಲಿತಾಂಶ ಬಾಕಿಇದೆ.
ಇಂದು ಕುಂದಾಪುರ ಪುರಸಭೆ ವ್ಯಾಪ್ತಿಯ ಚಿಕ್ಕನ್‌ಸಾಲ್‌ ರಸ್ತೆ ವಾರ್ಡಿನ ಒಂದೇ ಮನೆಯ ಇಬ್ಬರಿಗೆ ಕೋವಿಡ್ ಪಾಸಿಟಿವ್ ಇರುವುದು ಬುಧವಾರ ದೃಢವಾಗಿದೆ.
ಉಡುಪಿ ನಗರದ ಮೂವರಿಗೆ ಕೊರೋನಾ ಪಾಸಿಟಿವ್ ದೃಢವಾದ ಹಿನ್ನೆಲೆಯಲ್ಲಿ ಅವರ ಮನೆಯನ್ನು ಸೀಲ್ ಡೌನ್ ಮಾಡಲಾಗಿದೆ.
ಬ್ರಹ್ಮಾವರ ಹೊಯ್ಸಳ ವಾಹನ ಚಾಲಕನ ಅಂಬಲಪಾಡಿಯ ಮನೆ, ಉಡುಪಿ ನಗರ ಸಭೆಯ ಹಿಂದಿನ ಪ್ಲಾಟ್ ನಿವಾಸಿಯ ಮನೆ ಮತ್ತು ಬನ್ನಂಜೆಯ ಪ್ಲಾಟ್‌ನಲ್ಲಿ ಸೇಲ್ಸ್ ಮ್ಯಾನ್ ಆಗಿರುವ ಯುವಕನೊರ್ವನಿಗೆ ಕೊರೋನಾ ಪಾಸಿಟವ್ ದೃಢವಾಗಿದ್ದರಿಂದ ಅವರ ಮನೆಗಳನ್ನು ಸೀಲ್ ಡೌನ್ ಮಾಡಿ ಸೋಂಕಿತರನ್ನು ಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿದೆಂದು ಆರೋಗ್ಯ ಇಲಾಖೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
