ರೋಟರಿ ಉಡುಪಿ ಮಿಡ್ ಟೌನ್: ನೂತನ ಕಾರ್ಯಕಾರಿ ಸಮಿತಿಯ ಪದಗ್ರಹಣ

ಉಡುಪಿ (ಉಡುಪಿ ಟೈಮ್ಸ್ ವರದಿ) : ರೋಟರಿ ಉಡುಪಿ ಮಿಡ್ ಟೌನ್ ಕ್ಲಬ್ ನ 2020-21 ನೇ ಸಾಲಿನ ನೂತನ ಕಾರ್ಯಕಾರಿ ಸಮಿತಿಯ ಪದಗ್ರಹಣ ಸಮಾರಂಭವು ಅಂಬಾಗಿಲು ಅಮೃತ್ ಗಾರ್ಡನ್ ನಲ್ಲಿ ನಡೆಯಿತು. ಪದ ಪ್ರದಾನ ಅಧಿಕಾರಿಯಾಗಿ ಆಗಮಿಸಿದ ಸಹಾಯಕ ಗವರ್ನರ್ ರೋ. ಅಶೋಕ್ ಕುಮಾರ್ ಶೆಟ್ಟಿ ನೂತನ ಅಧ್ಯಕ್ಷ, ಕಾರ್ಯದರ್ಶಿ ಮತ್ತು ಕಾರ್ಯಕಾರಿ ಸಮಿತಿಯನ್ನು ಅಭಿನಂದಿಸಿ, ಶುಭ ಹಾರೈಸಿದರು. 

ಈ ಸಂದರ್ಭದಲ್ಲಿ ಕ್ಲಬ್ ಬುಲೆಟಿನ್ ‘ದೀಪ’ ಅತಿಥಿಗಳು ಬಿಡುಗಡೆಗೊಳಿಸಿದರು. ರೋಟರಿ ಉಡುಪಿ ಮಿಡ್ ಟೌನ್ ಕ್ಲಬ್ ಗೆ ನೂತನವಾಗಿ ಮೂರು ಸದಸ್ಯರ ಸೇರ್ಪಡೆ ಆಯಿತು. 
ನಿರ್ಗಮನ ಅಧ್ಯಕ್ಷ ರೋ. ಸಂದೇಶ್ ಶೆಟ್ಟಿ ಸ್ವಾಗತಿಸಿ, ತನ್ನ ಅಧ್ಯಕ್ಷೀಯ ಅವಧಿಯಲ್ಲಿ ಸಹಕರಿಸಿದ ಸರ್ವರನ್ನು ಸ್ಮರಿಸಿ ಅಭಿನಂದಿಸಿದರು.

ನಿರ್ಗಮನ ಕಾರ್ಯದರ್ಶಿ ರೋ. ಭುಜಂಗ ಶೆಟ್ಟಿ ವಾರ್ಷಿಕ ವರದಿ ಸಭೆಗೆ ಮಂಡಿಸಿದರು. ರೋಟರಿ ಉಡುಪಿ ಮಿಡ್ ಟೌನ್ ಇದರ ನೂತನ ಸಾಲಿನ ಅಧ್ಯಕ್ಷರಾಗಿ ರೋ. ಫೆಲಿಕ್ಸ್ ಫ್ರಾನ್ಸಿಸ್ ಆಳ್ವ ಮತ್ತು ಕಾರ್ಯದರ್ಶಿ ರೋ. ಸಂತೋಷ್ ಫೆರ್ನಾಂಡಿಸ್ ನಿರ್ಗಮನ ಅಧ್ಯಕ್ಷ ಮತ್ತು ಕಾರ್ಯದರ್ಶಿ ಅವರಿಂದ ಅಧಿಕಾರ ಸ್ವೀಕರಿಸಿದರು. 

ವೇದಿಕೆಯಲ್ಲಿ 2020-21 ಸಾಲಿನ ಸಹಾಯಕ ಗವರ್ನರ್ ರೋ. ದೇವದಾಸ್ ಶೆಟ್ಟಿಗಾರ್ ಮತ್ತು ವಲಯ ಸೇನಾನಿ ರೋ. ರಾಮದೇವ್ ಕಾರಂತ್ ಉಪಸ್ಥಿತರಿದ್ದರು. ಕಾರ್ಯದರ್ಶಿ ರೋ. ಸಂತೋಷ್ ಫೆರ್ನಾಂಡಿಸ್ ಧನ್ಯವಾದ ಸಮರ್ಪಿಸಿದರೆ, ರೋ ಆಲ್ವಿನ್ ಕ್ವಾಡ್ರಸ್ ಕಾರ್ಯಕ್ರಮ ನಿರೂಪಿಸಿದರು.