ಬ್ರಹ್ಮಾವರ: ದೇಶದ ಪ್ರಸಿದ್ಧ’ಬರ್ಲೀನ್ ಓಕ್’ ನೂತನ ಫರ್ನೀಚರ್ ಶೋರೂಮ್ ಉದ್ಘಾಟನೆ

ಬ್ರಹ್ಮಾವರ ಸೆ.16(ಉಡುಪಿ ಟೈಮ್ಸ್ ವರದಿ): ದೇಶದ ಪ್ರಸಿದ್ಧ ಬರ್ಲೀನ್ ಓಕ್ ಅವರ ನೂತನ ಫರ್ನೀಚರ್ ಶೋರೂಮ್ ಬ್ರಹ್ಮಾವರದಲ್ಲಿ ಶುಭಾರಂಭಗೊಂಡಿದೆ.

ನೂತನ ಶೋ.ರೂಮ್ ನ್ನು ಮಾಂಡವಿ ರಿಯಲ್ ಎಸ್ಟೇಟ್ ಡೆವಲಪರ್ಸ್’ನ ವ್ಯವಸ್ಥಾಪಕ ನಿರ್ದೇಶಕ ಡಾ. ಜೆರ್ರಿ ವಿನ್ಸೆಂಟ್ ಡಯಾಸ್ ಅವರು ಉದ್ಘಾಟಿಸಿದರು. ಬಳಿಕ ಮಾತನಾಡಿದ ಅವರು, ಈ ಹಿಂದೆ ಬರ್ಲಿನ್ ಓಕ್ ಅವರ ಪೀಠೋಪಕರಣಗಳು ಖರೀದಿಸಬೇಕಾದರೆ ಬೆಂಗಳೂರು, ಮುಂಬೈನಂತಹ ಮಹಾ ನಗರಗಳಿಗೆ ತೆರಳಬೇಕಿತ್ತು, ಆದರೆ ಈಗ ಬ್ರಹ್ಮಾವರದಲ್ಲಿ ಇವರ ನೂತನ ಶಾಖೆ ಶುಭಾರಂಭಗೊಂಡಿರುವುದರಿಂದ ಉಡುಪಿ ಜಿಲ್ಲೆಯ ಜನತೆಗೆ ಇನ್ನು ಮುಂದೆ ಜಿಲ್ಲೆಯಲ್ಲಿಯೇ ಈ ಸಂಸ್ಥೆಯ ಪೀಟೋಪಕರಣಗಳು ಸಿಗಲಿದೆ ಎಂದರು ಹಾಗೂ ಮುಂದಿನ ದಿನಗಳಲ್ಲಿ ಜಿಲ್ಲೆಯಾದ್ಯಂತ ಈ ಸಂಸ್ಥೆ ತಮ್ಮ ಸೇವಾ ವ್ಯಾಪ್ತಿಯನ್ನು ಹೆಚ್ಚಿಸುವಂತಾಗಲಿ ಎಂದು ಶುಭ ಹಾರೈಸಿದರು.

ಕಾರ್ಯಕ್ರಮದಲ್ಲಿ ಮುಖ್ಯ ಅಥಿತಿಯಾಗಿ ಭಾಗವಹಿಸಿದ ಮಾಜಿ ಸಚಿವ ಪ್ರಮೋದ್ ಮಧ್ವರಾಜ್ ಅವರು ದೀಪ ಬೆಳಗಿಸಿ ಕಾರ್ಯಕ್ರಮ ಉದ್ಘಾಟಿಸಿದರು. ಈ ವೇಳೆ ಸೈಂಟ್ ಮೇರೀಸ್ ಆರ್ಥಡಕ್ಸ್ ಚರ್ಚ್‍ನ ಫಾ.ಎಂ.ಸಿ ಮಥಾಯಿ ಅವರು ಆಶಿರ್ವಚನ ನೀಡಿ ಸಂಸ್ಥೆಗೆ ಶುಭ ಹಾರೈಸಿದರು.

ಈ ಸಂದರ್ಭ ಎಜೆ ಎಸೋಸಿಯೇಟ್ಸ್ ನ ಮಾಲಕ ಎಂ ಗೋಪಾಲ ಭಟ್, ಬ್ರಹ್ಮಾವರದ ಬಿವಿಎಸ್‍ಎಸ್ ಬ್ಯಾಂಕ್ ನ ನಿರ್ದೇಶಕ ರಾಜೇಶ್ ಶೆಟ್ಟಿ ಬಿರ್ತಿ, ದ.ಕ ಜಿಲ್ಲಾ ಸಹಕಾರ ಸಕ್ಕರೆ ಕಾರ್ಖಾನೆಯ ಅಧ್ಯಕ್ಷ ಸುಪ್ರಸಾದ್ ಶೆಟ್ಟಿ, ವಾರಂಬಳ್ಳಿ ಪಂಚಾಯತ್‍ನ ಅಧ್ಯಕ್ಷೆ ಗುಲಾಬಿ ಬಂಗೇರಾ,ಬರ್ಲೀನ್ ಓಕ್‍ನ ಬೆಂಗಳೂರು ಶಾಖೆಯ ಮುಖ್ಯಸ್ಥ ತಮ್ಮಯ್ಯ ಕೊಟೇರಾ ಹಾಗೂ ಉಡುಪಿ ಶಾಖೆಯ ಫ್ರಾಂಚಾಯಸ್ ಡೆವಲಪರರ್ಸ್ ರಿತೇಶ್ ಸಾಲಿಯಾನ್, ಉಡುಪಿ ಮಾರಾಟ ವಿಭಾಗದ ಮುಖ್ಯಸ್ಥರಾದ ಡೆರಿಕ್ ಡಿಸಿಲ್ವ, ಗ್ರೇಟಾ ಡಿಸಿಲ್ವ ಅವರು ಉಪಸ್ಥಿತರಿದ್ದರು.

ಬರ್ಲಿನ್ ಓಕ್ ಸಂಸ್ಥೆಯು ದೇಶದ ಜನಪ್ರಿಯ ಸಂಸ್ಥೆಯಾದ ರಾಯಲ್‍ಓಕ್ ನ ಮಾಲಿಕತ್ವದ ಸಂಸ್ಥೆಯಾಗಿದ್ದು ಇದೂ ಕೂಡಾ ದೇಶದಾದ್ಯಂತ ಉತ್ತಮ ಬೇಡಿಕೆ ಪಡೆದಿರುವ ಸಂಸ್ಥೆಯಾಗಿದೆ. ಬರ್ಲೀನ್ ಓಕ್ ಸಂಸ್ಥೆಯು 2016 ರಲ್ಲಿ ಆರಂಭಗೊಂಡಿದ್ದು ಇಂದು ದೇಶದಾದ್ಯಂತ ಇದರ ವ್ಯಾಪ್ತಿ ಪಸರಿಸಿದೆ. ಬೆಂಗಳೂರಿನಲ್ಲಿ ಇವರ ಮೂಲ ಕಚೇರಿ ಇದ್ದು, ಹೈದರಬಾದ್, ಮುಂಬೈ, ದೆಲ್ಲಿ,ಕಲ್ಕತ್ತಾ ಗಳಲ್ಲಿ ಇವರ ಶೋರೂಮ್ ಗಳಿವೆ.

ಬ್ರಹ್ಮಾವರದಲ್ಲಿ ನೂತನವಾಗಿ ಆರಂಭಗೊಂಡಿರುವ ಸಂಸ್ಥೆ 8000 ಸ್ಕ್ವಾರ್ ಫೀಟ್ ವಿಸ್ತೀರ್ಣ ಹೊಂದಿದ್ದು 4 ಅಂತಸ್ತಿನ ವಿಶಾಲವಾದ ಮಳಿಗೆ ಇದಾಗಿದೆ. ಇದು ಬಲೀನ್‍ಓಕ್ ಅವರ 35ನೇ ಶಾಖೆಯಾಗಿದ್ದು, ವಿಶಾಲವಾದ ಮಳಿಗೆಯಲ್ಲಿ ಗ್ರಾಹಕರಿಗೆ ತಮ್ಮ ನೆಚ್ಚಿನ ಪೀಟೋಪಕರಣಗಳ ಆಯ್ಕೆಗೆ ಅನುಕೂಲಕರವಾದ ವ್ಯವಸ್ಥೆಯನ್ನು ಹೊಂದಿದೆ. ಸಂಸ್ಥೆಯು ಗುಣ ಮಟ್ಟದ ಸೇವೆ, ಗ್ರಾಹಕರ ಬೇಡಿಕೆ ಮತ್ತು ಅವರು ನೀಡುವ ಮೊತ್ತಕ್ಕೆ ತಕ್ಕುದಾದ ಗುಣಮಟ್ಟದ ಉತ್ಪನ್ನಗಳನ್ನು ನೀಡುವ ಮೂಲಕ ಗ್ರಾಹಕರ ನಂಬಿಕೆ ವಿಶ್ವಾಸವನ್ನು ಗಳಿಸುವಲ್ಲಿ ಯಶಸ್ವಿಯಾಗಿದ್ದು, ಇಂದು ಸಂಸ್ಥೆ ಅಭಿವೃದ್ಧಿ ಹೊಂದಲು ಸಹಕಾರಿಯಾಗಿದೆ.

ಇಲ್ಲಿ ಸೋಫಾ, ಬೆಡ್ ಸೆಟ್ಸ್, ಡೈನಿಂಗ್ ಸೆಟ್ಸ್, ಆಫಿಸ್ ಟೇಬಲ್ಸ್ ಮತ್ತು ಕುರ್ಚಿಗಳು ಹಾಗೂ ಹೊರಾಂಗಣ ಪೀಟೋಪಕರಣಗಳು ಸೇರಿದಂತೆ 250 ಕ್ಕೂ ಹೆಚ್ಚಿನ ಬಗೆಯ ಪೀಟೋಪಕರಣಗಳು ಲಭ್ಯವಿದೆ. ಇಲ್ಲಿ ಅತ್ಯಾಧುನಿಕ ತಂತ್ರಜ್ಞಾನದಲ್ಲಿ ತಯಾರಾದ ವಿವಿಧ ವಿನ್ಯಾಸದ, ಉತ್ತಮ ಗುಣಮಟ್ಟದ ಪೀಟೋಪಕರಣಗಳು ಲಭ್ಯವಿದೆ.