ಬಡ ಜನತೆಗೆ ಸಹಾಯ ನೀಡುವ ಮೂಲಕ ಈದ್ ಹಬ್ಬ ಆಚರಿಸಿ: ಉಡುಪಿ ಖಾಝಿ ಬೇಕಲ

ಉಡುಪಿ: ಈದುಲ್ ಫಿತ್ರ್  ಹಬ್ಬವನ್ನು ಎಲ್ಲರೂ ಅತ್ಯಂತ ಸರಳವಾಗಿ ಆಚರಿಸುವುದರೊಂದಿಗೆ ನೆರೆ ಮನೆಯವರ ಬಗ್ಗೆ  ಗಮನವಿರಲಿ  ಸಾಧ್ಯವಿದ್ದಷ್ಟು  ಅರ್ಹರಿಗೆ ಸಹಾಯ ಸಹಕಾರಗಳನ್ನು ನೀಡಿ   ಈದ್ ಹಬ್ಬ ಆಚರಣೆ ಸುನ್ನತ್ ಆಗಿದೆ ಲೋಕವೇ ದುಃಖದಲ್ಲಿರುವಾಗ ಹಬ್ಬವನ್ನು ಅದ್ದೂರಿಯಿಂದ ಆಚರಿಸುವುದು ಸರಿಯಲ್ಲ.

ಮನೆಗಳಲ್ಲಿ ಈದ್ ನಮಾಝ್ ನಿರ್ವಹಿಸಿ, ಬಡವರಿಗೆ ಸಹಾಯ ಸಹಕಾರವನ್ನು ನೀಡಿ, ಈವರೆಗೆ ಅಳವಡಿಸಿಕೊಂಡಿರುವ ಕಾನೂನುಗಳನ್ನು  ಮುಂದುವರಿಸಿ ಈ ಕಠಿಣ ಸಂದರ್ಭದಲ್ಲಿ ಬಂದಿರುವ ಈದುಲ್ ಫಿತ್ರ್  ಹಬ್ಬವನ್ನು ಆದಷ್ಟು ಸರಳವಾಗಿ , ಕುಟುಂಬ ಸದಸ್ಯರ ಜೊತೆಗೇ ಆಚರಿಸಿ , ದುಂದು ವೆಚ್ಚವಿಲ್ಲದೆ, ಅನಗತ್ಯಗಳಲ್ಲಿ ತೊಡಗದೆ, ಪ್ರಯಾಣ  ಇತ್ಯಾದಿಗಳಿಗೆ  ಹೋಗದೆ ಆರೋಗ್ಯ ಇಲಾಖೆಯ ಆದೇಶವನ್ನು ಕಟ್ಟುನಿಟ್ಟಾಗಿ ಪಾಲಿಸಿ. ಧಾರ್ಮಿಕ ಕೇಂದ್ರಗಳು ತೆರೆದು ಮೊದಲಿನಂತೆ ಸುಗಮವಾಗಿ ನಡೆಯಲು ಕೋವಿಡ್-19 ನಿಂದ ಮುಕ್ತಿ ಹೊಂದಲು ಅಲ್ಲಾಹನಲ್ಲಿ ಪ್ರಾರ್ಥಿಸಿರಿ ಇದುವೇ ನನ್ನ ಈದ್ ಸಂದೇಶ ಎಂದು ಉಡುಪಿ,ಹಾಸನ ಹಾಗೂ ಚಿಕ್ಕಮಗಳೂರು ಜಿಲ್ಲಾ ಸಂಯುಕ್ತ ಜಮಾಅತ್ ಖಾಝಿ ಶೈಖುನಾ ಪಿ.ಎಮ್ ಇಬ್ರಾಹಿಂ ಮುಸ್ಲಿಯಾರ್ ಬೇಕಲ ತಿಳಿಸಿದ್ದಾರೆ.